ગંગા નદીના સફાઈ અભિયાન પર સરકાર ગમે તે દાવા કરે પણ હકીકત અલગ જ છે.ગંગાને ગંદી કરવાનુ હજી પણ ચાલુ છે. ક્વોલિટી કાઉન્સિલ ઓફ ઈન્ડિયા નામની સંસ્થાએ ૬ સપ્તાહ સુધી કરેલી તપાસ બાદ એવો ઘટસ્ફોટ થયો છે કે ગંગા નદીના કિનારે આવેલા ૯૭ પૈકીના ૬૬ શહેરોમાં કમ સે કમ એક ગટર એવી છે જેનુ પાણી સીધુ ગંગામાં જ છોડી દેવાય છે.
ગંગાની સૌથી ખરાબ હાલત પશ્ચિમ બંગાળમાં છે.અહીંના ૪૦ શહેરોની ગટરનુ પાણી ગંગામાં સીધુ જ છોડાય છે.બીજા ક્રમે ૨૧ શહેરો સાથે યુપી છે.જ્યારે બિહારમાં આવા ૧૮, ઉત્તરાખંડમાં ૧૬ અને ઝારખંડમાં ૨ શહેરો છે.
આ અભ્યાસમાં વધુમાં એવુ પણ બહાર આવ્યુ છે કે ગંગા બેસિન વિસ્તારના ૧૯ શહેરોમાં જ એક સોલિડ વેસ્ટ ટ્રીટમેન્ટ પ્લાન્ટ છે.૩૩ શહેરોના ઓછામાં ઓછા એક ઘાટ પર કચરાના ઢગલા છે અને ૭૨ શહેરોમાં તો ગંગા કિનારે જ જુની ડમ્પિંગ સાઈટસ હજી પણ છે.