મહારાષ્ટ્રની ભાજપ સરકારે મરાઠાઓને સોળ ટકા અનામત આપતા ગુજરાતની રૂપાણી સરકાર પર દબાણ વધી જવા પામ્યું છે અને આ મામલે હવે પાટીદારોએ પણ પોતાની અનામતની માંગ વધારે બુલંદ બનાવી છે જે મામલે કોંગ્રેસે નિવેદન કરતા જણાવ્યું હતુ કે તેઓ પાટીદારોને વીસ ટકા અનામત આપવા તૈયાર છે.
પાટીદાર અનામત મુદ્દે રાજનીતિ ગરમાઈ છે ત્યારે કોંગ્રેસે સરકારને ઘેરવાનો પ્રયાસ કર્યો છે. પ્રદેશ કોંગ્રેસ પ્રમુખ અમિત ચાવડાએ કહ્યું છે કે કોંગ્રેસ હાલની અનામત વ્યવસ્થાને નુકસાન કર્યા વગર ૨૦ ટકા અનામત આપવા કોંગ્રેસ તૈયાર છે.
સરકારે ૪૯ ટકા અનામતમાં ફેરફાર વગર પાટીદારોને અનામત આપવું જોઈએ. ત્યારે આ મામલે ભાજપ નેતા વરૂણ પટેલે પ્રતિક્રિયા આપતા જણાવ્યુ હતું કે, મહારાષ્ટ્રમાં જે પેટર્નટથી અનામત આપવામાં આવી રહી છે. તેનો રાજ્ય સરકાર અભ્યાસ કરી રહી છે. મહારાષ્ટ્રમાં આપવામાં આવેલી અનામત બંધારણીય રીતે ટકશે તો ગુજરાતમાં પણ પાટીદારોને અનામત આપવામાં આવશે.મહારાષ્ટ્રમાં મરાઠા સમુદાયને અનામત મળતા પાટીદારોએ અનામતની માંગ બુલંદ કરી છે. પાસ નેતા હાર્દિક પટેલે પાટણના સંખારી ગામે એક કાર્યક્રમમાં હાજરી આપી સરકાર પાસે પાટીદારોને અનામત આપવા માગ કરી હતી.
કોંગ્રેસ પાટીદારોને ૨૦ ટકા અનામત આપવા તૈયાર
