અંડર વર્લ્ડ ડોન રવિ પુજારીએ સુરતના એક ટોચના બિલ્ડર પાસે રૂપિયા ૧૦ કરોડની ખંડણી માટે ફોન પર ધમકી આપવાની ઘટનાએ સુરતના બિલ્ડરોમાં ફફડાટ ફેલાવી દીધો છે. બિલ્ડરે ધમકી ભર્યો ફોન આવ્યો હોવાની સુરતના પોલીસ કમિશ્નરને રજૂઆત કરતા કમિશ્નરે ક્રાઇમ બ્રાન્ચને તપાસ સોંપી હોવાનું જાણવા મળ્યું છે.પોલીસે બિલ્ડરને સુરક્ષા પુરી પાડી હોવાનું જાણવા મળ્યું છે.અત્યારએ ગુપ્ત રાહે તપાસ ચાલી રહી હોવાથી પોલીસ કોઇ માહીતીનો ફોડ પાડતી નથી.અંડર વર્લ્ડ ડોન અને ગેંગસ્ટર રવિ પુજારી અગાઉ પણ સુરત અને નવસારીના બિલ્ડરોને ફોન પર ધમકીઓ આપી ચુક્યો છે. તાજેતરમાં જ મુંબઇમાં જાણીતા ડાન્સર અને ફિલ્મ ડિરેકટર રેમો ડિસોઝાને ધમકી આપવા માટે ડોન રવિ પુજારીએ ફિલ્મ પ્રોડયુસરની રૂપિયા ૫૦ લાખની સોપારી લીધી હતી. મુંબઇ પોલીસે ફિલ્મ પ્રોડયુસરની ધરપકડ કરી હતી. આમ ખંડણી માટે ધમકી આપતો રહેતા રવિ પુજારીએ સુરતના એક બિલ્ડરને દુબઇથી ફોન કરીને રૂપિયા ૧૦ કરોડની ખંડણી માગી હોવાની ચર્ચા છે.
પાછલી પોસ્ટ
આગળની પોસ્ટ