મ્યુચ્યુઅલ ફંડ હાઉસ ૩૧મી માર્ચ પહેલા મ્યુચ્યુઅલ ફંડ સ્કીમમાં જંગી ડિવિડંડની ચુકવણી કરે તેવી શક્યતા દેખાઈ રહી છે. વેલ્થ મેનેજર્સ જે અમીર માટે નાણા મેનેજિંગ કરવાની પ્રક્રિયામાં સામેલ છે તેને લઇને હિલચાલ શરૂ થઇ છે. વેલ્થ મેનેજરો દ્વારા ફંડ હાઉસને કોલિંગ કરવાની શરૂઆત કરી દીધી છ ેજેમાં આવી સ્કીમમાંથી જંગી ડિવિડંડ માટે કહેવામાં આવી રહ્યું છે. પહેલી એપ્રિલથી આ રકમ કરપાત્ર બને તે પહેલા આવી સ્કીમમાંથી જંગી ડિવિડંડ ચુકવવા માટે કહેવામાં આવી રહ્યું છે. ઇક્વિટીલક્ષી મ્યુચ્યુઅલ ફંડ ઉપર ડિવિડંડ આ નાણાંકીય વર્ષના અંત સુધી રોકાણકારો માટે ટેક્સ ફ્રી છે. નાણાપ્રધાને હાલમાં જ રજૂ કરવામાં આવેલા બજેટમાં આવી સ્કીમ માટે ડિવિડંડ ડિસ્ટ્રીબ્યુશન ટેક્સ ૧૦ ટકા રાખવાની જાહેરાત કરી હતી. ઓછામાં ઓછા ત્રણ ફંડ હાઉસના મુખ્ય કારોબારી અધિકારીઓ હાઈ નેટવર્થ વ્યક્તિગતો પાસેથી ડિવિડંડ માટે વિનંતી મળી હોવાની વાતને સમર્થન આપ્યું છે. ડિવિડંડ રોકાણકારોને પણ ચર્ચા માટે આકર્ષિત કરે તેમ માનવામાં આવે છે. મ્યુચ્યુઅલ ફંડ રેગ્યુલેશન મુજબ ફંડ હાઉસ તેમની સ્કીમોમાં ચુકવણી કરશે.
પાછલી પોસ્ટ
આગળની પોસ્ટ