ખુબસુરત અભિનેત્રી સોનમ કપુર સ્વરા ભાસ્કરથી ખુબ પ્રભાવિત રહી છે. હજુ પણ તેની પ્રશંસા કરતા તે થાકતી નથી. સોનમ કપુર માને છે કે પ્રેમ રતન ધન પાયો ફિલ્મમાં તેની સાથે કામ કરી ચુકેલી અભિનેત્રી સ્વરા ભાસ્કર ખુબ કુશળ સ્ટાર તરીકે છે. તેનુ કહેવુ છે કે તે જેટલી કુશળ અભિનેત્રી છે તે મુજબ તેને સફળતા મળી નથી. સ્વરા ભાસ્કર અભિનિત અનારકલી ઓફ આરા ફિલ્મના એડિટેડ કરવામાં આવેલા સીન અંગે પુછવામાં આવતા સોનમ કપુરે કહ્યુ છે કે તે આ ફિલ્મ ખુબ શાનદાર ફિલ્મ છે. ફિલ્મમાં સ્વરા ભાસ્કરે યાદગાર ભૂમિકા અદા કરી છે. અનારકલી ઓફ આરા ફિલ્મના લીક કરવામાં આવેલા સેક્સી સીન અંગે પુછવામાં આવતા સોનમ કપુરે કહ્યુ છે કે તે ફિલ્મ નિહાળી ચુકી છે. સોનમ કપુરે સાફ શબ્દોમાં કહ્યુ છે કે તે કોઇ પણ પ્રકારના સેન્સરશીપમાં માનતી નથી. તેનુ કહેવુ છે કે જ્યારે કોઇ ચીજની પસંદગી અંગત રીતે કરવામાં આવે છે ત્યારે સંબંધિત વ્યક્તિ પર જવાબદારી સોંપી દેવી જોઇએ. પ્રેમ રતન ધન પાયો જેવી સુરજ બડજાતિયાની મોટી ફિલ્મમાં તે બોલિવુડના સુપરસ્ટાર અભિનેતા સલમાન ખાનની સાથે તેની બહેનના રોલમાં નજરે પડી હતી.સ્વરા ભાસ્કર સાથે સોનમ કપુરની મિત્રતા પહેલાથી જ રહી છે. તેમની મિત્રતાને ધ્યાનમાં લઇને જ સુરજ બડજાતિયાએ તેમની ફિલ્મ પ્રેમ રતન ધન પાયોમાં આ બન્ને અભિનેત્રીને એક સાથે ફિલ્મમાં લીધી હતી. સ્વરા ભાસ્કર દરેક પ્રકારની એક્ટિંગ કુશળતાને લઇને પ્રભાવિત રહી છે. તેનુ કહેવુ છે કે તે આવનાર સમયમાં પણ બોલિવુડમાં કેટલીક મોટી ફિલ્મ કરવા માટે ઉત્સુક છે. હાલમાં તેની ફિલ્મ અનારકલીને લઇને તેના ચાહકોમાં ભારે ચર્ચા જોવા મળી હતી.