ઈન્ડોનેશિયાના બાલીમાં હનીમૂન માણવા ગયેલા ચેન્નઈના એક ડૉક્ટર દંપતિનું શુક્રવારે ફોટોશૂટ દરમિયાન ડૂબી જતાં મોત નીપજ્યું છે. આ ડૉક્ટર દંપતિ હનીમૂન માટે ઈન્ડોનેશિયાના બાલી ગયું હતું કે જ્યાં તેઓ એક સ્પીડબોટ પર ફોટોશૂટ કરાવી રહ્યા હતા. આ દરમિયાન સંતુલન ગુમાવતા તેઓ ડૂબી ગયા (doctor couple drowned during their honeymoon in Bali) હતા. તેમનાં પરિવારને જ્યારે આ સમાચાર મળ્યા ત્યારે તેઓ આઘાતમાં સરી પડ્યા છે. દંપતિનો પરિવાર આ ડૉક્ટર કપલના મૃતદેહને પરત લાવવા માટે બાલી પહોંચ્યો હતો. મૃતક ડૉક્ટર દંપતિનું નામ લોકેશ્વરન અને વિબુષ્ણિયા (Lokeshwaran and Vibushnia) હોવાનું જાણવા મળે છે. તેઓ બંનેના લગ્ન તારીખ 1 જૂનના રોજ થયા હતા.
આ ઘટનામાં મળતી માહિતી મુજબ, 25 વર્ષીય વિબુષ્ણિયા ડૉક્ટર તરીકે કાર્યરત હતી. સૌપ્રથમ લોકેશ્વરન અને વિબુષ્ણિયા એકબીજાના પ્રેમમાં પડ્યા હતા અને પછી તેઓ બંનેએ પોતપોતાના પરિવારને આ વિશે જાણ કરી હતી. જ્યારે આ ડૉક્ટર કપલ લોકેશ્વરન અને વિબુષ્ણિયાએ પોતાના પરિવારને પ્રેમ પ્રકરણ વિશે જાણ કરી ત્યારે તેઓને લગ્ન માટે મંજૂરી મળી ગઈ હતી. ત્યારબાદ ડૉક્ટર કપલ લોકેશ્વરન અને વિબુષ્ણિયાએ ધૂમધામથી લગ્ન કર્યા હતા.
જ્યારે લોકેશ્વરન અને વિબુષ્ણિયાના પરિવારને આ કરુણ ઘટના વિશે જાણ થઈ ત્યારે તેઓના માથે જાણે આભ તૂટી પડ્યું હતું. હવે લોકેશ્વરન અને વિબુષ્ણિયાનો પરિવાર આ ડૉક્ટર કપલના મૃતદેહને ચેન્નઈ પરત લાવવા માટેની વ્યવસ્થા કરી રહ્યો છે. તેમણે ઈન્ડોનેશિયામાં ભારતીય દૂતાવાસના માધ્યમથી તમિલનાડુ સરકાર અને કેન્દ્ર સરકારની સહાયતા માગી છે. ઈન્ડોનેશિયાથી ચેન્નઈની સીધી ફ્લાઈટ નહીં હોવાથી લોકેશ્વરન અને વિબુષ્ણિયાના મૃતદેહને તમિલનાડુ પરત લાવતા પહેલા મલેશિયા લઈ જવાશે.
