લોક રક્ષક દળ ની પરીક્ષા માટે તમામ ઉમેદવારો માટે એસટી બસો માં ફ્રી મુસાફરી તથા એક્સ્ટ્રા બસો ફાળવવા માંગ કરતા કોળી સમાજના પ્રમુખ રસિકભાઈ ચાવડા
યુવા કોળી સમાજ નાં પ્રદેશ પ્રમુખ રસિક ચાવડા અને પ્રદેશ મહામંત્રી અજય શિયાળ દ્વારા મુખ્યમંત્રી ને રજૂઆત
આગામી ૧૦ એપ્રિલ નાં રોજ લોક રક્ષક દળ ની લેખિત પરિક્ષા યોજાઇ રહી છે ત્યારે ઉમેદવારો ને દૂરના પરીક્ષા કેન્દ્રો સુધી પહોંચવા માટે કોઈ મુશ્કેલી ના પડે તે માટે યુવા કોળી સમાજ નાં પ્રદેશ પ્રમુખ રસિક ચાવડા અને પ્રદેશ મહામંત્રી અજય શિયાળ દ્વારા મુખ્યમંત્રી ને પત્ર લખી ને રજૂઆત કરી હતી કે તા. ૧૦/૦૪/૨૦૨૨ નાં રોજ લોક રક્ષક ભરતી બોર્ડ દ્વારા સમગ્ર રાજ્ય માં લોક રક્ષક દળ ની લેખિત પરીક્ષા લેવામાં આવશે. જેમાં એસટી વિભાગ દ્વારા એસ.સી અને એસ.ટી સમાજના ઉમેદવારો માટે એસટી બસમાં ફ્રી મુસાફરી ની જાહેરાત કરવામાં આવી છે. ત્યારે સરકાર શ્રી દ્વારા લોક રક્ષક દળ નાં તમામ ઉમેદવારો ને એસટી બસમાં ફ્રી મુસાફરી નો લાભ આપવામાં આવે તથા તાલુકા કક્ષાએ ઉમેદવારો ની સંખ્યા મુજબ એક્સ્ટ્રા બસો ફાળવવા આવે અને તાલુકા કક્ષાએ જ બુકિંગ માટે અલગથી હેલ્પલાઇન નંબર જાહેર કરવામાં આવે જેથી પરીક્ષાર્થીઓને પરીક્ષા કેન્દ્રો સુધી પહોંચવામાં કોઈ મુશ્કેલી ના તે માટે યોગ્ય વ્યવસ્થા કરવા આવે અને ગુજરાત રાજ્ય માર્ગ વાહન વ્યવહાર નિગમ દ્વારા તા. ૦૯/૦૪/૨૦૨૨ અને તા. ૧૦/૦૪/૨૦૨૨ નાં રોજ પરીક્ષાર્થીઓને આવવા-જવા માટે એસટી બસોમાં ફ્રી મુસાફરી નો લાભ આપવામાં આવે તથા ઉમેદવારોની સંખ્યા મુજબ એક્સ્ટ્રા બસો ફાળવવામાં આવે અને તાલુકા કક્ષાએ બુકિંગ માટે અલગથી હેલ્પલાઇન નંબર જાહેર કરવામાં આવે તેવી અમારી પરીક્ષાર્થીઓના હિતમાં માંગ કરી હતી.
