અક્ષય કુમારની હિટ ફિલ્મ ઓહ માય ગોડની સિકવલ બની રહી છે. મૂળ ફિલ્મમાં પરેશ રાવલે ભજવેલ પાત્ર હવે સિકવલમાં પંકજ ત્રિપાઠી ભજવવાનો છે. હવે આ ફિલ્મના નવા અપડેટસ એ છે કે, યામી ગૌતમની આ ફિલ્મમાં એન્ટ્રી થઇ ગઇ છે. તેને આ ફિલ્મ માટે પસંદ કરી લેવામાં આવી છે. સાલ ૨૦૧૨માં રિલીઝ થયેલી આ ફિલ્મ એક સોશિયલ ડ્રામા હતી. ફિલ્મને દર્શકોએ પસંદ કરી હતી. એ સમયમાં આ ફિલ્મ ફક્ત ૧૨ કરોડ રૂપિયાના બજેટમાં બની હતી જ્યારે તેણે બોક્સ ઓફિસ પર ૮૦ કરોડનું કલેકશન કર્યું હતું.
હવે ‘ઓહ માય ગોડ ટુ’નું શૂટિંગ સપ્ટેબરમાં કરવાની યોજના છે. તેમજ આ ફિલ્મને ૨૦૨૨ના મધ્યમાં રિલીઝ કરવાનો પ્લાન છે. જાેકે કોવિડ અને લોકડાઉન પર આ યોજનાનો સઘળો આધાર છે.
યામી ગૌતમે હાલ ૪ જુનના રોજ જ દિગ્દર્શક આદિત્ય ધર સાથે લગ્ન કરી લીધા છે. તે ‘ઓહ માય ગોડ ટુ’ ઉપરાંત ભૂત પોલિસ દસવી અને અ થર્સડેમાં જાેવા મળવાની છે.