મહેસાણાથી અમારા સંવાદદાતા વિનોદ મકવાણા જણાવે છે કે,મહેસાણાના વિસનગર જિલ્લા પંચાયત તથા તાલુકા પંચાયતના આમ આદમી પાર્ટીના ઉમેદવારના પ્રચાર માટે વિસનગર તાલુકા આમ આદમી પાર્ટી દ્વારા જંગી જાહેર સભાનું આયોજન કરવામાં આવ્યુ હતું.
યોજાયેલ ચૂંટણી સભા માં ખાસ ગોપાલ ઇટાલિયા ઉપસ્થિત રહ્યા હતા અને તેમણે લોકોને આમ આદમી પાર્ટીની દિલ્હી શાસનની કામગીરી જણાવીને કહ્યું હતું કે આપણા દેશમાં આમ આદમી પાર્ટી જ સ્વચ્છ અને પારદર્શી વહીવટ આપી શકે છે. દિલ્હીમાં મફત શિક્ષણ , આરોગ્ય અને સરકારી યોજનાઓનો લાભ લોકોને ઘેર બેઠા આપવામાં આવી રહ્યો છે. ખાસ કરીને સરકારી શાળા તથા દવાખાનાને અધતન બનાવી લોકોને સારી સુવિધા આપવામાં આવી રહી છે.
ખાસ ઉપસ્થીત લોકોને આમ આદમી પાર્ટીના તરફેણમાં મતદાન કરવા તથા જરૂર પડે આર્થિક સહયોગ કરવા જણાવ્યું હતું. કોંગ્રેસ અને ભાજપાને આડે હાથ લઈને તેમના પર અને તેમની કામ કરવાની પદ્ધતિ પર ચાબખા માર્યા હતા. વધી રહેલી મોંઘવારી અને પેટ્રોલ ડીઝલના ભાવને કારણે લોકો ત્રસ્ત થયા હોવાનું જણાવી આમ આદમી પાર્ટીને એક તક આપવાનું જણાવ્યુ હતુ. આમ આદમી પાર્ટીની ચૂંટણી સભામાં જંગી જનમેદની ઉમટી પડી હતી જે જોતા આગામી સમયમાં જેમ જેમ ચૂંટણીની તારીખ નજીક આવશે તેમ ભાજપ, કૉંગ્રેસ તેમજ આમ આદમી પાર્ટી વચ્ચે ત્રિપાંખિયો જંગ ખેલાશે.