કડી શહેરના ખાનગી કોચિંગ કલાસીસ સંચાલકો, કોમ્પ્યુટર કોચિંગ સંચાલકો, મ્યુઝીક – ડાન્સ – કરાટે – યોગા કલાસીસના સંચાલકો દ્વારા સોશિયલ ડિસ્ટનસિંગનું પાલન થાય એ રીતે કોચિંગ શરૂ કરવાની પરવાનગી માટેની રજુઆત કરતું આવેદન પત્ર કડી નગરપાલિકા પ્રમુખ તથા કડી નગરપાલિકા ચીફ ઓફિસરને આપવામાં આવ્યું છે.
છેલ્લા ચાર – પાંચ મહિનાથી કોરોના મહામારીને કારણે ખાનગી કોચિંગ કલાસીસ સંપૂર્ણપણે બંધ છે જેથી કડીના ૩૦૦ થી વધુ કોચિંગ કલાસીસ સંચાલકો તથા એમની સાથે જોડાયેલ ૨૦૦૦ થી વધુ શિક્ષકો , ક્લાર્ક , પટાવાળા , સફાઈ કર્મચારીઓ વગેરે બેરોજગાર બન્યા છે અને મોટી આર્થિક તકલીફો ભોગવી રહ્યા છે. મોટાભાગના ટ્યુશન કલાસીસ ભાડા પટે હોવાથી સંચાલકોને મોટા પ્રમાણમાં નુકસાન થઈ રહ્યું છે જેની સામે એમની આવક શૂન્ય છે જેથી કડી એજ્યુકેશન એસોસિએશન દ્વારા સરકારની ગાઈડલાઈનનો અમલ થાય તથા સોશ્યલ ડિસ્ટનસિંગ જળવાય એ રીતે કોચિંગ કાર્ય શરૂ કરવા દેવામાં આવે એવી માંગ રજૂ કરતું આવેદન પત્ર નગરપાલિકા પ્રમુખ તથા કડી નગરપાલિકા ચીફ ઓફિસરને આપવામાં આવ્યું છે.
(તસવીર / અહેવાલ :- જૈમિન સથવારા, કડી)
કડી એજ્યુકેશન એસો. દ્વારા કડી નગરપાલિકાને આવેદનપત્ર અપાયું
