સંસદનુ ચોમાસુ સત્ર ચાલી રહ્યુ છે અને સોમવારે રાજ્યસભામાં એક અવસર એવો આવ્યો જ્યારે વિપક્ષે બિલને પસંદગી સમિતિની પાસે મોકલવાની માગ કરી. વિપક્ષની આ માગ પર વોટિંગ કરવામાં આવ્યુ. આ વોટિંગ દરમિયાન કેટલાક ભાજપ સાંસદ હાજર નહોતા, વડા પ્રધાન નરેન્દ્ર મોદીએ એવા સદસ્યોનુ લિસ્ટ માગ્યુ છે.
મંગળવારે સદનની કાર્યવાહી શરૂ થયા પહેલા ભાજપ સંસદીય દળની બેઠક થઈ. આ બેઠકમાં પીએમ મોદી પણ હાજર હતા. પીએમ મોદીએ બેઠકમાં આ ભાજપ સાંસદની યાદી માગી જે રાજ્યસભામાં ઉપસ્થિત નહોતા.
જાેકે, સોમવારે રાજ્યસભામાં નાણા મંત્રી ર્નિમલા સીતારમણે ટ્રિબ્યુનલ રિફોર્મ બિલ ૨૦૨૧ રજૂ કર્યુ હતુ. વિપક્ષ આ બિલનો વિરોધ કરી રહ્યુ હતુ. આ બિલને પસંદગી સમિતિની પાસે મોકલવાની માગ કરી રહ્યુ હતુ. વિપક્ષની માગ પર રાજ્યસભામાં વોટિંગ કરાયુ.
બિલ પસંદગી સમિતિની પાસે મોકલવાના પક્ષમાં ૪૪ મત પડ્યા જ્યારે આના વિરોધમાં ૭૯ મત પડ્યા. આ રીતે વિપક્ષની માગ રદ થઈ ગઈ અને આ બિલ થોડી વાર બાદ પસાર થઈ ગયુ પરંતુ આ વોટિંગ દરમિયાન ભાજપના કેટલાક સાંસદ હાજર રહ્યા નહીં. એવા સાંસદોની જ પીએમ મોદીએ યાદી માગી છે.
સંસદીય દળની બેઠકમાં પીએમ મોદીએ એ પણ કહ્યુ કે પોતાના વિસ્તારમાં સ્પોર્ટસને પ્રોત્સાહન આપો. પીએમ મોદીએ સંસદીય દળની બેઠકમાં ઓલંપિયનના સન્માનમાં ઉભા થઈને અભિવાદન કરવા માટે પણ કહ્યુ.
પીએમ મોદીએ રાજ્યસભામાં ગેરહાજર ભાજપના સાંસદની યાદી માંગી
