ઉમેશ ગોરાહવા , બોટાદ
બોટાદ જિલ્લા કલેકટર તુષાર સુમેરાના અધ્યક્ષ સ્થાને અનુસૂચિત જાતિ પેટા યોજના અમલીકરણ સમિતિ,જિલ્લા તકેદારી અને મોનીટરીંગ સમિતિ, મેન્યુઅલ સ્કેવેન્ઝર્સ શહેરી અને ગ્રામ્ય જિલ્લા તકેદારી સમિતિની બેઠક યોજાઇ.
આ બેઠકમાં અધ્યક્ષએ તમામ વિભાગના અધિકારીશ્રીઓને છેવાડાના લોકો સુધી પહોંચી અનુ.જાતિના વધુમાં વધુ પાત્રતા ધરાવતા લાભાર્થીઓને લાભ મળે અને જોગવાઇ સામે ચાલુ વર્ષે ૧૦૦ ટકા ભૌતિક અને નાણાંકીય લક્ષ્યાંક સિધ્ધ થાય તેવા પ્રયત્નો અત્યારથી જ કરવા અનુરોધ કર્યો હતો.આ બેઠકમાં પોલીસ અધિક્ષક હર્ષદ મહેતા, જિલ્લા વિકાસ અધિકારીશ્રી અમિત જોશી સહિતના અધિકારીઓ તેમજ જિલ્લા પંચાયત પ્રમુખ સહિતના પદાધિકારી ઓ ઉપસ્થિત રહયા હતા.
