કોસંબા નજીક આવેલા રેલવે ઓવરબ્રીજ પર ટેન્કર અને મોપેડ વચ્ચે એક્સિડન્ટ સર્જાયો હતો જેમાં મોપેડને ટક્કર લાગ્યા બાદ માતા-પુત્રી નીચે પટકાયા બાદ ટેન્કરનું ટાયર માતા-પુત્રી પરથી ફરી વળતાં બન્નેનાં ઘટનાસ્થળે જ અરેરાટીભર્યા મોત નીપજ્યાં હતાં. કોસંબા તરફ જતા રસ્તા પર આવતાં ઓવરબ્રીજ પરથી પસાર થતાં મોપેડ( જીજે ૧૯ એએલ ૬૬૬૯)ને પાછળથી પુરપાટ આવતાં ટેન્કર(જીજે ૬ એટી ૪૧૨૨) ટક્કર મારી હતી. જેથી મોપેડ પર જતી માતા-પુત્રી રોડ પર ઢળી પડી હતી. આ દરમિયાન પાછળથી આવતાં ટેન્કરનું વ્હિલ માતા-પુત્રી પર ફરી વળ્યું હતું. જેથી માતા-પુત્રીના ઘટનાસ્થળે જ અરેરાટીભર્યા મોત નીપજ્યા હતાં. બીજી તરફ એક્સિડન્ટ બાદ ટેન્કર ચાલક ઘટનાસ્થળે જ ટેન્કર મુકીને નાસી ગયો હતો. આ તરફ રસ્તા પરથી પસાર થતાં લોકોએ બન્ને મૃતદેહો પર કપડા ઓઢાડી પોલીસને જાણ કરી હતી. હાલ સમગ્ર મુદ્દે પોલીસે વધુ તપાસ હાથ ધરી છે.