છોટાઉદેપુર જિલ્લાના કોસિંદ્રા ગામની હાઈસ્કૂલમાં રાજપુત યુવા સંગઠન દ્વારા બ્લડ ડોનેશન કેમ્પ અને સર્વરોગ નિદાન કેમ્પનું આયોજન કરવામાં આવ્યું હતું જેમાં જિલ્લાના ૪૨ ગામોમાંથી યુવાનો, વડીલો, બહેનો મોટી સંખ્યામાં જોડાયા હતાં. આ કેમ્પનું આયોજન સહુ પ્રથમ રાજપૂત સમાજના યુવાનો દ્વારા કરવામાં આવ્યું હતું જેમાં રેકોર્ડબ્રેક ૩૭૦ જેટલું રજિસ્ટ્રેશન બ્લડ ડોનેશન માટે યુવાનોએ નોંધાવ્યું હતું જેમાં રાજપૂત સમાજના વડીલોએ પણ કામગીરીને બિરદાવી હતી. સર્વરોગ નિદાન કેમ્પમાં સમાજના ૧૦૦૦થી વધુ લોકોએ લાભ લઇ બોડી ચેકઅપ કરાવ્યું હતું. રાજપુત યુવા સંગઠનના યુવાઓ દ્વારા જણાવવામાં આવ્યું હતું કે આવનારા દિવસોમાં સમાજલક્ષી અનેક કાર્યક્રમો કરનાર છીએ. આમ રાજપૂત યુવા સંગઠનના કાર્યક્રમમાં સમાજમાંથી મોટી સંખ્યામાં ભાઈઓ, બહેનો, વડીલો મોટી સંખ્યામાં જોડાયા હતા અને કાર્યક્રમને સફળ બનાવ્યો હતો.
(તસવીર / અહેવાલ :- ઈમરાન મનસુરી, બોડેલી)
પાછલી પોસ્ટ