લખનૌમાં ગઈકાલે યોજાયેલા રોડ શો દરમિયાન કોંગ્રેસ અધ્યક્ષ રાહુલ ગાંધીએ પીએમ મોદીની નકલ કરી હતી. જોકે હવે મોદી સરકારના મંત્રી બાબુલ સુપ્રિયોએ તેના પર ટિ્વટ કરીને રાહુલ ગાંધીને દેશના સૌથી મોટા જોકર ગણાવ્યા છે.સુપ્રિયોએ લખ્યુ હતુ કે દેશના એક માત્ર સૌથી લોકપ્રિય કોમેડિયન કમ જોકર જે હાલમાં જામીન પર છે.
રાહુલ ગાંધીએ મોદીની નકલ કરતા કહ્યુ હતુ કે પહેલા મોદીજી આમ છાતી કાઢીને ભાષણ આપતા હતા અને કહેતા હતા કે ૫૬ ઈંચની છાતી , પણ આજકાલ મોદી છાતી સંકોચીને ભાષણ કરીને કહે છે કે હું અનિલ અંબાણીને નથી જાણતો, મેં અનિલ અંબાણીને ૩૦૦૦૦ કરોડ રુપિયા નથી આપ્યા, મેં એરફોર્સને પણ જાણ નહોતી કરી કે હું બધાથી છુપાઈને અલગથી વાટાઘાટો કરી રહ્યો છું.