સુરતના કાપોદ્રા વિસ્તારમાં મોડી સાંજે એક વિદ્યાર્થીને ચાકૂ મારવાની ઘટના ઘટતા વિસ્તારમાં ચકચાર મચી ગઈ. નજીવી બોલાચાલી થતા વિદ્યાર્થીને ચપ્પુ મારવામાં આવ્યું હતું. પોલીસે બે યુવાનો વિરુદ્ધ ગુનો નોંધ્યો છે. મળતી માહિતી મુજબ સુરતના કાપોદ્રા વિસ્તારમાં મોડી સાંજે એક વિદ્યાર્થી પણ જીવલેણ હુમલો કરાયો. વિદ્યાર્થી વિસ્તારની આદર્શ વિંદ વિદ્યાલયના ધોરણ ૧૨માં અભ્યાસ કરે છે. સાવ નજીવી બાબતે વિદ્યાર્થીને બોલાચાલી થતા તેને ચપ્પુ મારી દેવાયું. અત્રે જણાવવાનું કે આવી જ રીતે વડોદરાની ભારતી શાળામાં પણ જૂન મહિનામાં વિદ્યાર્થી પર જીવલેણ હુમલાની ઘટના ઘટી હતી. જેમાં વિદ્યાર્થીએ પોતાનો જીવ ગુમાવવો પડ્યો હતો.
મૃતક વિદ્યાર્થીનો ધોરણ ૧૦ના કોઈ વિદ્યાર્થી સાથે ઝગડો થયો હોવાનું કહેવાયું હતું. શાળાના બાથરૂમમાં ચાકૂના ઘા મારેલો લોહીથી લથપથ મૃતદેહ મળી આવતા હાહાકાર મચ્યો હતો.