હાઇ પ્રોફાઇલ ઇન્ડિયન પ્રિમિયર લીગ-૧૧માં આવતીકાલે મુંબઇ ઇન્ડિયન્સ અને રાજસ્થાન રોયલ્સ વચ્ચે પણ નિર્ણાયક મેચ રમાનાર છે. તેમની વચ્ચે આગામી રાઉન્ડમાં કોણ પ્રવેશ કરશે તેની સ્પર્ધા રહેશે. બન્ને ટીમો જીતના ઇરાદા સાથે મેદાનમાં ઉતરશે. છેલ્લી મેચમાં ચેન્નાઇ સુપર જેવી ટીમ સામે જીત મેળવી લીધા બાદ રાજસ્થાન રોયલ્સે આશા જગાવી છે. બટલર જોરદાર ફોર્મમાં ચાલી રહ્યો છે. ગઇકાલે તે પોતાની ટીમને છેલ્લે સુધી બેટિંગ કરીને જીતાડી ગયો હતો. બીજી બાજુ મુંબઇ પર ઘરઆંગણે જીત મેળવી લેવા માટે વધારે દબાણ રહેશે. આ મેચનુ પ્રસારણ રાત્રે આઠ વાગ્યાથી કરવામાં આવનાર છે. પોઇન્ટ ટેબલની વાત કરવામાં આવે તો મુંબઇ ઇન્ડિયન્સ અને રાજસ્થાન રોયલ્સ બંને ૧૦ -૧૦ પોઇન્ટ ધરાવે છે પરંતુમુંબઇ સારા રન રેટ સાથે ચોથા સ્થાને છે.
પાછલી પોસ્ટ
આગળની પોસ્ટ