(ખૂબ જ ઝેરી કેમિકલ્સવાળું ચીનનું બેકાબુ થયેલ સ્પેસ સ્ટેશન ટૂંક સમયમાં જ ન્યૂયોર્ક સહિત દુનિયાના મોટા શહેરોને અથડાઇ શકે છે. શોધમાં ખબર પડી કે ચીનનું પહેલું સ્પેસ સ્ટેશન તિયાનગૉન્ગ-૧ ૩૦ માર્ચથી ૬ એપ્રિલની વચ્ચે પૃથ્વી પર અથડાઇ શકે છે.નિષ્ણાતોએ તેને ૪૩ ડિગ્રી ઉત્તર દક્ષિણ અક્ષાંશ પર પડનાર સ્થળો પર તૂટવાની આશંકા વ્યક્ત કરી છે. આ જગ્યા ગીચ વસતી ધરાવતા ન્યૂયોર્ક, બાર્સિલોના, પેઇચિંગ, શિકાગો, ઇસ્તાંબુલ, રોમ અને ટોરેન્ટો હોઇ શકે છે.સાડા આઠ ટન વજનવાળું આ સ્પેસ સ્ટેશન ૨૦૧૬ની સાલમાં જ પોતાનું નિયંત્રણ ગુમાવી ચૂકયું હતું અને ત્યાંથી તે ધરતીની તરફ ગબડી રહ્યું છે. વૈજ્ઞાનિકોના મતે આ સ્પેસક્રાફ્ટનો મોટો હિસ્સો પડતા સમયે બળીને ખાક થઇ જશે પરંતુ ૧૦થી ૪૦ ટકા હિસ્સો કાટમાળના રૂપમાં રહી શકે છે અને તેમાં ખતરનાક કેમિકલ્સ હોઇ શકે છે.તાજેતરમાં જ આ સ્પેસક્રાફ્ટ પૃથ્વીની તરફ ઝડપથી આગળ લપસવા લાગ્યું છે. હાલ આ યાન ૬ કિલોમીટર પ્રતિ સપ્તાહની ઝડપથી ધરતીની તરફ આવી રહ્યું છે. ઑક્ટોબર ૨૦૧૭માં આ સ્પીડ એક સપ્તાહમાં ૧.૫ કિલોમીટરની હતી.ચીને આ સ્પેસક્રાફ્ટ ૨૦૧૧ની સાલમાં લૉન્ચ કર્યું હતું. અંતરિક્ષયાનોના ઇતિહાસમાં અત્યાર સુધી પૃથ્વી પર પડવાના લીધે કોઇ અકસ્માત થયાની પુષ્ટિ થઇ નથી.
આવતા સપ્તાહે પૃથ્વીને અથડાશે ચીનનું બેકાબૂ સ્પેસ સ્ટેશન!
