ફેબ્રુઆરી મહિનામાં ટ્રેડ ડેફિસિટ અથવા તો વેપારી ખાધનો આંકડો ૧૨ અબજ ડોલરની સપાટી ઉપર પહોંચી ગયો છે. બીજી બાજુ નિકાસમાં ૪.૫ ટકાનો વધારો થતાં નિકાસનો આંકડો વધીને ૨૫.૮ અબજ ડોલર સુધી પહોંચી ગયો છે. વાણિજ્ય સચિવ રિટા ટિઓટિયા દ્વારા આજે આ આંકડા જારી કરવામાં આવ્યા હતા. આ મહિના દરમિયાન આયાતનો આંકડો ૧૦.૪ ટકા વધીને ૩૭.૮ અબજ ડોલર સુધી પહોંચી ગયો છે. એપ્રિલ-ફેબ્રુઆરીના મહિના દરમિયાન આયાતનો આંકડો ૨૧ ટકા વધીને ૪૧૬.૮૭ અબજ ડોલર સુધી થયો હતો. ટ્રેડ ડેફિસિટનો આંકડો ૧૨ અબજ ડોલર સુધી ફેબ્રુઆરી મહિનામાં પહોંચી ગયો હતો. અગાઉના મહિનામાં આ આંકડો ૧૬.૩૦ અબજ ડોલર રહ્યો હતો. ફેબ્રુઆરી મહિનામાં વેપાર ખાધનો આંકડો વધવાના કારણે ચિંતાનું મોજુ ફરી વળ્યું છે. સરકાર વેપાર ખાધને વધુ ઘટાડવા માટે ચિંતાતુર છે.