દેશની જાણીતી મ્યૂઝિક કંપનીઓ પર ઇડીએ સકંજો કસ્યો છે. પાછલા અઠવાડિયે આ કંપનીઓ પર ઇડી દ્વારા દરોડા પાડવામાં આવ્યાં હતાં. ત્યારે એવી ખબર આવી રહી છે કે આ કંપનીઓનાં માલિકોને પૂછપરછ માટે બોલાવવામાં આવ્યા છે અને તેમાં સૌથી ઉપર નામ આદિત્ય ચોપરા અને ભૂષણ કુમારનું છે. આદિત્ય ચોપરાને ઇડીએ ૮ નવેમ્બરે હાજર થવા સમન્સ પાઠવ્યું છે.
આ કંપનીઓ પર કરોડો રૂપિયાની મ્યૂઝિક રોયલ્ટીની હેરાફેરી કરવાનો આરોપ છે. જેની તપાસ ઇડી કરી રહી છે. આદિત્ય સિવાય સોની મ્યૂઝિકનાં વાઇસ પ્રેસિડેન્ટ શ્રીધર સુબ્રમણ્યમને પણ નોટિસ મોકલવામાં આવી છે. સાથે જ સારેગામાનાં એમડી વિક્રમ મેહરાની પણ પૂછપરછ કરવામાં આવી છે.
ઇડીએ આ વખતે દેશની મ્યૂઝીક કંપનીઓ પર સકંજો બોલાવ્યો છે જેને લઇ મ્યૂઝીક કંપનીઓમાં ખળભળાટ મચી ગયો છે. તેમાંય આ સકંજાને લઇ સૌથી ટોપમાં આદિત્ય ચોપરાનું નામ સામે આવ્યું છે. જેથી આ મામલે આદિત્ય ચોપરા અને ભૂષણ કુમાર વિરૂદ્ધ સમન્સ પાઠવવામાં આવ્યું છે.
દેશની મ્યૂઝિક કંપનીઓ પર ઇડીનો સકંજો, આદિત્ય ચોપરા અને ભૂષણ કુમાર વિરૂદ્ધ સમન્સ
