Aapnu Gujarat
બિઝનેસ

મુકેશ અંબાણી ChatGPTને ટક્કર આપવા ‘હનૂમાન’ લોન્ચ કરશે

ટેક્નોલોજીની દુનિયા બહુ ઝડપથી બદલાઈ રહી છે અને હવે જમાનો આર્ટિફિશિયલ ઈન્ટેલિજન્સ એટલે કે AIનો છે. અત્યારે ChatGPTએ આખી દુનિયામાં ચર્ચા જગાવી છે ત્યારે મુકેશ અંબાણી પણ ચેટ જીપીટીના જવાબમાં ભારતીય AI લોન્ચ કરવા માગે છે. આ માટે રિલાયન્સ ઈન્ડસ્ટ્રીઝ તેના AI ટૂલ ‘Hanooman’ પર કામ કરી રહી છે જેને ટૂંક સમયમાં લોન્ચ કરવામાં આવશે. આગામી દિવસોમાં ChatGPT અને હનૂમાન વચ્ચે ટક્કર થવાની શક્યતા છે. માર્ચ મહિનામાં જ હનૂમાન બજારમાં આવી જશે.

આઠ IIT સાથે સહયોગથી નિર્માણ
હનૂમાનને તૈયાર કરવા માટે ભારતની આઠ IIT, રિલાયન્સ જિયો ઈન્ફોકોમ અને કેન્દ્ર સરકારે હાથ મિલાવ્યા છે. તાજેતરમાં મુંબઈ ખાતે ટેક્નોલોજી કોન્ફરન્સ યોજાઈ હતી જેમાં આ મોડેલની આછી ઝલક આપવામાં આવી હતી. તેમાં એક મોટર સાઈકલ મિકેનિકે તમિલ ભાષામાં AI બોટ સાથે વાતચીત કરી હતી. એક બેન્કરે આ ટૂલ સાથે હિંદીમાં વાત કરી હતી જ્યારે હૈદરાબાદ સ્થિત એક ડેવલપરે આ ટૂલનો ઉપયોગ કરીને કોમ્પ્યુટક કોડ રાઈટ કર્યા હતા. આ મોડેલ ચાર ફિલ્ડમાં કામ કરશે અને તે 11 ભાષાઓમાં ઉપલબ્ધ હશે. તેના કારણે હેલ્થકેર, ગવર્નન્સ, ફાઈનાન્શિયલ સર્વિસિસ અને એજ્યુકેશનના ક્ષેત્રમાં આખું ચિત્ર બદલાઈ જાય તેવી શક્યતા છે.
‘Hanooman’ની ખાસિયતો
આઈઆઈટી બોમ્બેના ડિપાર્ટમેન્ટ ઓફ કોમ્પ્યુટર સાયન્સ એન્ડ એન્જિનિયરિંગના ચેર ગણેશ રામાક્રિષ્નને કહ્યું કે આ મોડેલ સ્પીચ-ટુ-ટેક્સ્ટ કેપેબિલિટી પણ દર્શાવશે. તેથી તે વધારે યુઝર ફ્રેન્ડલી બનશે. આ ઉપરાંત બીજી કંપનીઓ પણ AI પર કામ કરી રહી છે. તેમાં અબજોપતિ વિનોદ ખોસલાના ફંડ અને લાઈટસ્પીડ વેન્ચર્સ પાર્ટનર્સ જેવા વેન્ચર કેપિટલ રોકાણકારો સામેલ છે. તેઓ સર્વમ અને કૃત્રિમ નામના સ્ટાર્ટઅપ પર કામ કરે છે. તેઓ પણ ભારત માટે ખાસ કસ્ટમાઈઝ્ડ ઓપન સોર્સ્ડ AI મોડેલ્સ પર કામ કરે તેવી શક્યતા છે.

રિલાયન્સ જિયો ચોક્કસ પ્રકારના ઉપયોગ માટે કસ્ટમાઈઝ્ડ મોડેલ પર કામ કરી રહી છે. ટેલિકોમથી લઈને રિટેલ સહિતના બિઝનેસમાં હાજરી ધરાવતી રિલાયન્સ ઈન્ડસ્ટ્રીઝ ઘણા સમયથી જિયો બ્રેઈન પર કામ કરે છે. Jio Brain એ 45 કરોડથી વધારે સબસ્ક્રાઈબર્સના નેટવર્ક પર આર્ટિફિશિયલ ઈન્ટેલિજન્સનો ઉપયોગ કરવા માટેનું એક નેટવર્ક છે. ભારત જીપીટી એ ભારતમાં આ પ્રકારની પ્રથમ પ્રાઈવેટ-પબ્લિક પાર્ટનરશિપ છે અને દરેક ફિલ્ડના મોટા રોકાણકારો તેમાં સામેલ છે.

Related posts

ટાટા ગ્રૂપની કંપની Tata Tech IPO લાવશે

aapnugujarat

एंबी वैली की निलामी में दखल का आरोप : सेबी ने सहारा पर अवमानना का केस दाखिल किया

aapnugujarat

રેલવેની કેટરિંગ સેવા પર પાંચ ટકા જીએસટી રહેશે

aapnugujarat
UA-96247877-1