Aapnu Gujarat
ગુજરાત

હરણી બોટ દુર્ઘટના કેસમાં ફરાર ત્રણ આરોપીની ધરપકડ

વડોદરાના હરણી બોટ દુર્ઘટના કેસમાં વધુ ત્રણ લોકોની ધરપકડ કરવામાં આવી છે. વત્સલ શાહ, નૂતન શાહ અને વૈશાખી શાહની ધરપકડ કરવામાં આવી છે. આરોપી નૂતનની તબિયત બગડતા વડોદરા આવ્યો હતો. વડોદરા આવતા જ પોલીસે ધરપકડ કરીને કાર્યવાહી હાથ ધરી છે.

આરોપીઓ ફરાર થઈ ગયા હતા

હરણી લેકઝોનના સંચાલક અને ભાગીદારો સામે ગુનો નોંધાયો હતો. જો કે આરોપીઓ ભરૂચ બાદ રાજસ્થાન ફરાર થઈ ગયા હતા. જો કે પોલીસે બાતમીના આધારે આરોપીને ઝડપી લીધા છે. પકડાયેલા આરોપીઓ કોટિયા પ્રોજેક્ટમાં ભાગીદાર હતા.

બેન્કિંગ વ્યવહારો પર વત્સલ શાહની ઓથોરિટી હતી

વત્સલ શાહ કોટિયા પ્રોજેક્ટમાં 10 ટકાનો ભાગીદાર હતો, તો 2018માં નૂતન અને વૈશાખીની 5-5 ટકા ભાગીદારી નક્કી થઇ હતી. પરેશ શાહની પત્ની અને સંતાનોની 20 ટકાની ભાગીદારી હતી. હરણી લેક્ઝોનનું સંચાલન પરેશ શાહ અને વત્સલ શાહ કરતા હતા. બેન્કિંગ વ્યવહારો વત્સલ શાહના ઓથોરિટી સિગ્નેચર ચાલતા હતા.

હરણી દુર્ઘટના બાદ અધિકારીઓને નોટિસ

વડોદરાના હરણી બોટ દુર્ઘટના કેસને લઈને કોર્પોરેશન એક્શનમાં આવ્યું છે. બેદરકારી દાખવવા બદલ 6 અધિકારીઓને નોટિસ ફટકારવામાં આવી છે. મ્યુનિસિપલ કમિશનરની આંતરિક તપાસ બાદ કાર્યવાહી શરૂ કરવામાં આવી છે. સાથે જ ફ્યુચરિસ્ટિક વિભાગના કાર્યપાલક ઈજનેર સહિત 6 ઈજનેરોને નોટિસ ફટકારવામાં આવી છે. 7 દિવસમાં જવાબ આપવાનો નોટિસમાં ઉલ્લેખ કરવામાં આવ્યો છે.

વડોદરા કોર્પોરેશને બેદરકારી દાખવવા બદલ કાર્યપાલક ઈજનેર રાજેશ ચૌહાણ, પરેશ પટેલ (કાર્યપાલક ઇજનેર), જીજ્ઞેશ શાહ(નાયબ ઇજનેર), મુકેશ અજમેરી (નાયબ ઇજનેર), મિતેષ માળી, જીગર સયારિયાને નોટિસ આપી છે.

Related posts

કડી હિન્દુ યુવા વાહિની દ્વારા કોરોના વોરિયર્સનું સન્માન કરાયું

editor

પોલીસ ગ્રેડ પેને લઈને ઉપવાસ પર બેઠેલા મહિલા પોલીસ કર્મીની તબિયત લથડી, પોલીસ કર્મીઓમાં છૂપો રોષ

aapnugujarat

રાજ્યભરના આરોગ્ય કર્મચારીઓ પડતર પ્રશ્નોનો ઉકેલ ન આવતા આંદોલનનાં માર્ગે

aapnugujarat
UA-96247877-1