Aapnu Gujarat
ગુજરાત

WINE EFFECT : ગિફ્ટ સિટીમાં પાંચ જ દિવસમાં થયા 500 કરોડથી વધુના પ્રોપર્ટી સોદા

ગુજરાતમાં હાલમાં ગુજરાત ઈન્ટરનેશનલ ફાયનાન્સ ટેક સિટી એટલે કે ગિફ્ટ સિટીમાં આપવામાં આવેલી દારૂની છૂટને લઈને ઘણી ચર્ચાઓ ચાલી રહી છે. ગિફ્ટ સિટીમાં વિદેશી રોકાણકારોને આકર્ષવા અને બિઝનેસને વેગ મળે તે હેતુંથી દારૂની છૂટ આપવામાં આવી છે. દારૂબંધી હળવી થતાંની સાથે જ ગિફ્ટ સિટીમાં ફક્ત પાંચ દિવસમાં જ 500 કરોડ રૂપિયાના સોદા થયા છે. સરકાર દ્વારા ગિફ્ટ સિટીમાં કાર્યરત કંપનીઓ અને બેન્કિંગ સેક્ટર્સની કચેરીઓના કાયમી કર્મચારીઓ તથા તેમના માન્ય મુલાકાતીઓને કેટલીક શરતોને આધીન ગિફ્ટ સિટીમાં જ વાઈન અને ડાઈનની છૂટ આપવાનો નિર્ણય લીધો છે. જેના કારણએ લાંબા સમયથી અટવાયેલા કેટલાક પ્રોપર્ટીના કામકાજમાં અચાનક જ તેજી આવી ગઈ છે. ગુજરાતી અખબાર નવગુજરાત સમયમાં પ્રકાશિત અહેવાલ પ્રમાણે ઈન્ટરનેશનલ ફાઈનાન્સિયલ સર્વિસ ઓથોરિટીના સૂત્રોએ જણાવ્યું છે કે, ગિફ્ટ સિટીમાં છેલ્લા 11 વર્ષમાં એક સાથે એટલા સોદા નથી થયા જેટલા છેલ્લા પાંચ દિવસમાં થયા છે. ગિફ્ટ સિટીમાં દારૂની છૂટછાટ બાદ 500 કરોડ રૂપિયાના કોમર્શિયલ અને રેસિડેન્શિયલ પ્રોપર્ટીના 300 જેટલા યુનિટના સોદા થયા છે અને પ્રોપર્ટી માટેની પૂછપરછમાં 500 ટકાનો વધારો થયો છે.

ગિફ્ટ સિટીમાં કાર્યરત અને હવે પછી શરૂ થનારી વૈશ્વિક અને ભારતીય કંપનીઓના કાયમી સ્ટાફ અને તેની મુલાકાતે આવનારા મુલાકાતીઓ અહીં ભોજન સાથે દારૂની મજા માણી શકે તે માટે કેટલીક શરતોને આધીન દારૂબંધીને હળવી કરવામાં આવી છે. સૂત્રોના જણાવ્યા પ્રમાણે અહીં કાર્યરત અને રોકાણ કરવા ઈચ્છતી કેટલીક કંપનીઓની રજૂઆતો હતી. બે વર્ષથી આ મુદ્દા અંગે કોઈ નિર્ણય લેવામાં આવ્યો ન હતો. પરંતુ ગત સપ્તાહે સરકારે અંતે નિર્ણય લઈને ગિફ્ટ સિટીમાં દારૂબંધી હળવી કરી છે. જેના કારણે લાંબા સમયથી અટવાયેલા સોદા હવે થયા છે. એક અંદાજ પ્રમાણે 300 જેટલા કોમર્શિયલ અને રેસિડેન્શિયલ સોદા થયા છે.

ગિફ્ટ સિટીને ફાઈનાન્સિયલ અને ટેક હબ બનાવવા માટે અહીં દારૂબંધી પૂર્વે અન્ય કેટલીક છૂટછાટ આપવામાં આવી છે. ગાંધીનગરમાં આવેલી ઈન્ટરનેશનલ ફાઈનાન્સિયલ સર્વિસ ઓથોરિટીના નેજા હેઠળ વિશ્વની એક આધુનિક ફાઈનાન્સ ટેક સિટી ઊભી કરવા છેલ્લા દસ વર્ષથી પ્રયાસ કરવામાં આવી રહ્યા છે. છેલ્લા પાંચ વર્ષથી સૌથી વધારે કાયદાકીય, ટેક્સેશનમાં સુધારા અને વૈશ્વિક માર્કેટિંગમાં ભારે તેજી આવી છે. જેને લઈને ગિફ્ટ સિટીમાં અત્યાર સુધીમાં 18 વિવિધ પ્રકારના ટાવરમાં 470થી વધારે કંપનીઓ કાર્યરત છે. જેમાં ગ્લોબલ બેન્કિંગ, ફન્ડ્સ, આઈટી અને ફિનટેક, કોર્પોરેટ, એક્સચેન્જીસ અને ટ્રેડિંગ જેવી કંપનીઓનો સમાવેશ થાય છે. હાલમાં 30 ટાવરના બિલ્ડિંગનું કામ પણ ચાલી રહ્યું છે. હવે ફેઝ-2માં ગિફ્ટ સિટીના વિસ્તારમાં વધારો કરવામાં આવશે.

ગિફ્ટ સિટીમાં દારૂબંધીમાં છૂટછાટના પગલે 85 9 એકરની આસપાસના વિસ્તાર અને ફેઝ-2 માટે ભેળવાયેલા ગામોમાં હલચલ મચી છે. ગ્રામજનો અને અહીં ડેવલોપમેન્ટ માટે અગાઉથી સોદા કરીને બેઠેલા ડેવલોપર્સમાં મિશ્ર પ્રતિસાદ જોવા મળ્યો છે. ગિફ્ટ સિટી સંલગ્ન ડેવલપમેન્ટ્સ માટે જમીનોના સોદા કરનારા લોકો માટે ફેઝ-2માં સૂચવાયેલી કપાતની જોગવાઈએ ઘણા પ્લાનિંગ ખોરવી નાંખ્યા છે. ફેઝ-2માં 48 ટકા કપાતની જોગવાઈ છે અગાઉ ફેઝ-1માં ન હતી. ફેઝ-1માં 115 મીટરની ઊંચાઈના બિલ્ડિંગ્સની મંજૂરી હતી જે હવે ઘટાડીને 22.5 મીટર કરી દેવામાં આવી છે. આને લઈને શાહપુર અને રતનપુર આસપાસના ગ્રામજનોમાં પણ કચવાટ છે. શાહપુર ગામના સરપંચ અર્પિત પટેલ અને અન્ય આગેવાનોએ આ મુદ્દે ગિફ્ટ સત્તાવાળા અને સરકારને રજૂઆત કરવાની તૈયારી કરી છે. ગિફ્ટ સિટીના કારણે ત્યાં જમીનોના ભાવમાં મોટો વધારો થયો હતો પરંતુ ફેઝ-2માં કેટલાક નવા નિયમોના કારણે હવે જમીનોના ભાવમાં ઘટાડો થયો છે.

Related posts

નર્મદા ડેમની ડાબા-જમણા કાંઠા તરફના ગામોમાં પીવાના પાણી માટે જૂથ પાણી પૂરવઠા યોજનાની શક્યતા તપાસવા જિલ્લા કલેક્ટરશ્રી આર.એસ. નિનામાનો આદેશ

aapnugujarat

तत्वमशी ई बुक का विमोचन हुआ

editor

અમદાવાદમાં જુની સોસાયટીઓનું રિડેવલપમેન્ટ કામકાજ ઝડપી બન્યું

aapnugujarat
UA-96247877-1