Aapnu Gujarat
ગુજરાત

ઈલોન મસ્ક ગુજરાતમાં Teslaનો પ્લાન્ટ સ્થાપશે

દેશવિદેશની ટોચની ઓટો કંપનીઓને આકર્ષવા માટે ભારતમાં દરેક રાજ્ય વચ્ચે હરિફાઈ ચાલે છે તેમાં ટેસ્લાનો પ્લાન્ટ મેળવવામાં ગુજરાત બાજી મારી જાય તેવી શક્યતા છે. ગુજરાત સરકારે જણાવ્યું છે કે ઈલોન મસ્ક પોતાની અત્યાધુનિક કાર ટેસ્લાનો પ્લાન્ટ ગુજરાતમાં સ્થાપે તેવી આશા છે. આ માટે રાજ્ય સરકાર અને કંપની વચ્ચે વાતચીત ચાલુ છે. જાણકારોના કહેવા પ્રમાણે આગામી વાઈબ્રન્ટ ગુજરાત રોકાણકાર સમિટ વખતે કંઈક નક્કર જાહેરાત થવાની શક્યતા છે. ગુજરાત સરકારે ઈન્વેસ્ટર્સ સમિટ માટે ટેસ્લાના માલિક Elon Muskને આમંત્રણ પણ આપ્યું છે.

રાજ્ય સરકારના પ્રવક્તા રિશિકેશ પટેલે જણાવ્યું કે તેમને આશા છે કે ટેસ્લા પોતાની કારનો પ્લાન્ટ સ્થાપવા માટે ગુજરાતને પસંદ કરશે. આ વિશે કંપની સાથે વાતચીત ચાલુ છે. તેમણે કહ્યું કે ઈલોન મસ્ક પણ પોતાની પ્રથમ પસંદગી તરીકે ગુજરાતનો વિચાર કરે છે. તેમણે ભારતમાં કાર પ્લાન્ટ માટે યોગ્ય જગ્યાની શરૂ કરી ત્યારથી ગુજરાત તેમના મનમાં છે. કદાચ ટૂંક સમયમાં આ વિશે સત્તાવાર જાહેરાત થઈ શકે છે. અમે ભૂતકાળમાં ટાટા, ફોર્ડ અને સુઝુકીને જે રીતે સપોર્ટ આપ્યો છે તે રીતે ટેસ્લાને પણ તમામ જરૂરી ટેકો આપવામાં આવશે.

ટેસ્લા એ વિશ્વની સૌથી મોટી ઈલેક્ટ્રિક કાર કંપની છે અને તેના માલિક ઈલોન મસ્કે જૂન મહિનામાં ન્યૂ યોર્કમાં વડાપ્રધાન નરેન્દ્ર મોદી સાથે મુલાકાત કરી હતી. ત્યાર પછી તેમણે કહ્યું હતું કે 2024માં તેઓ ભારતની મુલાકાતે આવશે. તે સમયે ગુજરાત સરકારમાં આ વિશે બહુ ચર્ચા થઈ હતી કારણ કે ગુજરાત અત્યારે ઓટોમોબાઈલના ઉત્પાદનમાં અગ્રણી રાજ્યોમાં સ્થાન ધરાવે છે. ઓટો કંપનીઓને પોતાને ત્યાં આકર્ષવા માટે હાલમાં ગુજરાત, મહારાષ્ટ્ર, કર્ણાટક અને તમિલનાડુ વચ્ચે સ્પર્ધા ચાલે છે.

અગાઉ ઈન્ડસ્ટ્રીઝ અને માઈન ડેવલપમેન્ટ વિભાગના અધિક ચીફ સેક્રેટરી એસ જે હૈદરે જણાવ્યું હતું કે ભારતમાં ઉત્પાદન સુવિધા સ્થાપવા માટે કંપની અને રાજ્ય સરકાર એકબીજાના સંપર્કમાં છે. તેમણે કહ્યું કે યોગ્ય સમયે ગુજરાત સરકાર દ્વારા ટેસ્લાનો સંપર્ક કરવામાં આવશે. આગામી મહિને વાઈબ્રન્ટ ગુજરાત ગ્લોબલ ઈન્વેસ્ટર્સ સમિટ શરૂ થાય છે જેમાં દેશવિદેશના ટોચના ઉદ્યોગપતિઓ હાજર રહેશે. આ કાર્યક્રમમાં વડાપ્રધાન નરેન્દ્ર મોદી હાજર હશે ત્યારે ટેસ્લા દ્વારા ગુજરાતમાં પ્લાન્ટ સ્થાપવા માટે સત્તાવાર જાહેરાત થાય તેવી શક્યતા છે.

જોકે, સૂત્રોનું એવું કહેવું છે કે હજુ સુધી કોઈ નક્કર ફોર્મલ પ્રપોઝલ મૂકવામાં આવી નથી. પરંતુ ટેસ્લાના પ્રતિનિધિઓને વાઈબ્રન્ટ ગુજરાત સમિટમાં હાજરી આપવા માટે આમંત્રિત કરવામાં આવ્યા છે. ઓટોમોબાઈલ ઉપરાંત ગુજરાત હાલમાં સેમીકન્ડક્ટર ઉદ્યોગ માટે પણ ટોચનું સ્થાન મેળવવા પ્રયત્નશીલ છે. તમિલનાડુ અને કર્ણાટકને છોડીને કેટલીક કંપનીઓ ગુજરાતમાં સેમી કન્ડક્ટર પ્લાન્ટ સ્થાપવા માટે સહમત થઈ છે.

Related posts

ओढव में डॉक्टर पर फायरिंग करने वाला आरोपी गिरफ्तार

aapnugujarat

ભાવનગરમાં કોંગ્રેસના જીતના જશ્નમાં ટોળાએ ઘરમાં ઘૂસીને દલિતની કરી હત્યા

editor

૩ મહિના થી ઘરેલું હિંસાથી પીડિત મહિલા નુ વેરાવળ ૧૮૧ અભયમ્ મહિલા હેલ્પલાઈને સુખઃદ સમાધાન કરાવ્યુ

editor
UA-96247877-1