લોકસભામાં અવિશ્વાસ પ્રસ્તાવ પર ચર્ચા દરમિયાન શાસક પક્ષના સવાલ પર કોંગ્રેસ નેતા રાહુલ ગાંધીએ સ્પષ્ટ કર્યું કે, તેમની યાત્રા પૂરી થઈ નથી. આ દિવસોમાં કોંગ્રેસ નેતૃત્વમાં રાહુલ ગાંધીની ભારત જોડો યાત્રની બીજી આવૃત્તિને લઈને મંથન ચાલી રહ્યું છે કે યાત્રા ક્યારે અને ક્યાંથી શરૂ કરવી જોઈએ. ભારત જોડો યાત્રાની પ્રથમ આવૃત્તિમાં રાહુલ ગાંધી ઘણું ચાલ્યા હતા. તેમનું સમગ્ર શેડ્યૂલ સરળ હતુ, પરંતુ ભારત જોડો યાત્રાની બીજી આવૃત્તિ એવી નહીં હોય. બીજી આવૃત્તિ નવીન હશે, જેમાં પદયાત્રા સાથે વધુમાં વધુ લોકો સાથે કેવી રીતે વાતચીત કરવી. તેમનો સંપર્ક કેવી રીતે કરવો અને તેમના શબ્દોને કેવી રીતે સમજવું. રાહુલ ગાંધીની ભારત જોડો યાત્રા ગુજરાતમાં 2017ની નવસર્જન યાત્રા જેવી જ હોઈ શકે છે.
કોંગ્રેસ નેતા રાહુલ ગાંધી તેમની બીજી ભારત જોડો યાત્રામાં વધુને વધુ લોકોને જોડવા ઈચ્છે છે. આ માટે 2017માં ગુજરાતમાં મહદઅંશે સફળ થયેલી નવસર્જન ગુજરાત યાત્રાની બાબતોનો સમાવેશ કરવામાં આવી રહ્યો છે. જેમાં રાહુલ ગાંધી પોતાની યાત્રા દરમિયાન વોકિંગની સાથે રોડ શો અને કેટલીક જાહેરસભાઓને સંબોધિત કરી શકે છે. 2017માં રાહુલ ગાંધીએ ગુજરાતમાં પણ આ જ પેટર્ન અપનાવી હતી. તેનું ખૂબ જ સારું પરિણામ આવ્યું. તેમના કાર્યક્રમોમાં મોટી સંખ્યામાં લોકો જોડાયા હતા. રાહુલ ગાંધીના ઘણા રોડ શો અને સભાઓમાં મોટી સંખ્યામાં લોકો હાજર રહ્યા હતા. ગુજરાત પ્રદેશ કોંગ્રેસ સમિતિ (GPCC) દ્વારા પોરબંદરથી ભારત જોડો યાત્રા શરૂ કરવાની દરખાસ્ત કેન્દ્રીય ટીમને મોકલી આપવામાં આવી છે.