ભારત અને એશિયાના સૌથી મોટા ઉદ્યોગપતિ મુકેશ અંબાણીએ સતત ત્રીજા વર્ષે કોઈ પગાર લીધો નથી. તેમને નાણાકીય વર્ષ 2022-23 માટે કોઈ પગાર મળ્યો નથી. આ રીતે દેશની સૌથી મૂલ્યવાન કંપની રિલાયન્સ ઈન્ડસ્ટ્રીઝના ચેરમેન છેલ્લા 3 વર્ષથી તેમની કંપનીમાં કોઈ પણ પગાર વગર કામ કરી રહ્યા છે. જ્યારે કોવિડ રોગચાળાને કારણે અર્થવ્યવસ્થા અને વ્યવસાયને અસર થઈ રહી હતી, ત્યારે મુકેશ અંબાણીએ કંપનીના હિતમાં સ્વેચ્છાએ પોતાનો પગાર છોડી દીધો હતો. રિલાયન્સના વાર્ષિક અહેવાલમાં જણાવાયું છે કે, નાણાકીય વર્ષ 2022-23માં અંબાણીની મહેનતાણું શૂન્ય હતું. કોરોના મહામારી શરૂ થયા બાદ અંબાણીએ જૂન 2022થી પોતાનો પગાર નહીં લેવાનો નિર્ણય લીધો હતો. કોરોનાની શરૂઆત સુધી અંબાણીને વાર્ષિક 15 કરોડ રૂપિયાનો પગાર મળતો હતો.
રિલાયન્સ ઇન્ડસ્ટ્રીઝમાં નિખિલ મેસવાણીનો પગાર પાછલા નાણાકીય વર્ષની સરખામણીએ નાણાકીય વર્ષ 2022-23માં વાર્ષિક 1 કરોડ રૂપિયાથી વધીને 25 કરોડ રૂપિયા સુધી પહોંચી ગયો છે. હિતલ મેસવાણી પણ કંપનીમાં 25 કરોડના વાર્ષિક પગારે કામ કરે છે. 2021-22માં તેલ અને ગેસના વ્યવસાય સાથે સંબંધિત પીએમ પ્રસાદનો પગાર 11.89 કરોડ હતો, જે 2022-23માં વધીને 13.5 કરોડ થઈ ગયો. મેસવાણી ભાઈઓના પિતા, રસિકલાલ મેસવાણી, રિલાયન્સના સ્થાપક ધીરુભાઈ અંબાણીની મોટી બહેન ત્રિલોચનાબેનના પુત્ર હતા. રિલાયન્સને આ સ્થાન સુધી લઈ જવામાં રસિકભાઈ મેસવાણીએ પણ મહત્વનો ભાગ ભજવ્યો છે. રસિકભાઈના પુત્રો નિખિલ આર. મેસવાણી અને હિતલ આર. મેસવાણી રિલાયન્સમાં એક્ઝિક્યુટિવ ડિરેક્ટર છે. આ બંને ભાઈઓ મુકેશ અંબાણીના જમણા હાથ માનવામાં આવે છે.
