કપડવંજ તાલુકાના વડાલી ગામે રહેતો અને ખાનગી બેંકમાં લોન વિભાગમાં કામ કરતો યુવક લૂંટેરી દુલ્હનનો ભોગ બન્યો છે. વડાલી ખાતે રહેતા આ યુવકે BSC BEDનો અભ્યાસ કર્યો છે અને ખાનગી બેંકમાં લોન વિભાગમાં કામ કરે છે. યુવક કુંવારો હોવાથી તેના માતા-પિતા યુવતીની શોધમાં હતા. આ દરમિયાન તેના ગામના એક યુવકના લગ્ન ડાકોરમાં રહેતી એક મહિલાએ કરાવી આપ્યા હતા. જેથી આ યુવક પણ આ ડાકોરમાં રહેતી આ મહિલાના સંપર્કમાં આવ્યો હતો. આ મહિલાએ આ યુવકને એક યુવતી બતાવી હતી અને ત્યારબાદ આ મહિલા આ યુવતીને યુવકના ઘરે લઈ આવી હતી.
બંનેનો સંપર્ક થયો ત્યારે આ યુવતીએ પોતાનું નામ શિવાની અશોકભાઈ પટેલ તથા તેની માતાનું નામ રેણુકા અશોકભાઈ પટેલ તથા પિતાનું નામ અશોક ભાઈ દિલીપભાઈ પટેલ હોવાનું જણાવ્યુ હતુ. બંને એકબીજાના પરિચયમાં આવ્યા હતા અને યુવતી પોતે અમદાવાદના કઠવાડામાં આવેલા સાત મળિયા કોલોનીમાં રહેતી હોવાનું જણાવ્યુ હતુ. બંનેએ લગ્ન માટે હા પાડી હતી. ત્યારબાદ 29 ડિસેમ્બર 2020ના રોજ બંનેના લગ્ન કરવાનું નક્કી કરવામાં આવ્યુ હતુ.
