રાજ્યસભા ચૂંટણીને પગલે ધારાસભ્યોના પરિવારજનોને ધાકધમકી આપવામાં આવતી હોવાની ચૂંટણીપંચમાં કોંગ્રેસની ફરિયાદ બાદ પોલીસ તંત્ર જાગ્યું છે. કોંગ્રેસના ધારાસભ્યોના ઘરે પોલીસ બંદોબસ્ત ગોઠવવામાં આવ્યો છે.મહત્વનું છે કે કોંગ્રેસના ધારાસભ્યો તો બેંગાલુરુમાં છે. એ સિવાયના ધારાસભ્યોના ઘરે પોલીસ બંદોબસ્ત ગોઠવાયો છે. જો કે ધારાસભ્યોને સામાન્ય સુરક્ષા જ આપવામાં આવી હોવાનું સામે આવ્યું છે.રાજકોટમાં નીલ સીટી ક્લબ ખાતે રહેતા કોંગ્રેસના ધારાસભ્યના ઘરે પોલીસ બંદોબસ્ત ગોઠવાયો છે. જ્યારે માળિયા હાટિનાના કોંગ્રેસના ધારાસભ્ય બાબુભાઈ વાજાના ઘરે પણ સુરક્ષા વ્યવસ્થા ગોઠવવામાં આવી છે.આ સિવાય સાબરકાંઠા જિલ્લાના ખેડબ્રહ્મા-વિજયનગરના ધારાસભ્ય અશ્વિન કોટવાલના ઘરે પણ પોલીસ બંદોબસ્ત ગોઠવાયો છે. ધારાસભ્ય અશ્વિનભાઇના પત્નીના મતે બે અઠવાડિયાથી અજાણ્યા શખ્સો તેમના ઘરે આવીને અશ્વિનભાઈના વિષે પૂછપરછ કરતા હતા.વલસાડના કોંગ્રેસી ધારાસભ્યોને વલસાડ પોલીસ દ્વારા પ્રોટેક્શન આપવામાં આવ્યું છે. કપરાડાના કોંગ્રેસી ધારાસભ્ય જીતુ ચૌધરી અને ધરમપુરના કોંગ્રેસી ધારાસભ્ય ઈશ્વરભાઈ પટેલના ઘરે પણ પોલીસ બંદોબસ્ત ગોઠવવામાં આવ્યો છે.
પાછલી પોસ્ટ