વડોદરા જિલ્લામાં સાતમા ગુણોત્સવનું સારૂ પરિણામ મળ્યુ છે. તેના જાહેર કરવામાં આવેલ પરિણામો અનુસાર એ+ ગ્રેડની શાળાઓમાં ૧૨નો અને એ ગ્રેડની શાળાઓમાં ૫૨નો વધારો થયો છે. શાળાઓની ગ્રેડ સુધારણાને પગલે બી, સી અને ડી ગ્રેડની શાળાઓની સંખ્યા ઘટી છે. જિલ્લા શિક્ષણાધિકારી ડૉ. એમ.એન.પટેલના જણાવ્યા પ્રમાણે ગુણોત્સવ ૬ના પરિણામો પછી જિલ્લાની સી અને ડી ગ્રેડની શાળાઓની ગ્રેડ સુધારણા માટે પધ્ધતિસરના પ્રયાસો હાથ ધરવામાં આવ્યા હતા. તેના ભાગરૂપે શાળાના આચાર્યોની ચિંતન શિબિર, ઉપચારાત્મક શિક્ષણ અને તેનું મૂલ્યાંકન, શાળા મુલાકાતો, અસરકારક મોનીટરીંગ અને માર્ગદર્શનથી ગ્રેડ સુધારણામાં સફળતા મળી છે.
