સૂરતના પોશ એરિયા ગણાતા પીપલોદ ખાતે ગેરકાયદે હુક્કાબાર સતત ધમધમી રહ્યાં હોવાની ચાડી ખાતો વધુ એક બનાવ પ્રકાશમાં આવ્યો છે. ગુરુવારે રાહુલરાજ મોલમાં રેસ્ટોરન્ટના લાઇસન્સ પર હુક્કાબાર ચલાવાતો હોવાની બાતમીના આધારે એસઓજીની ટીમે દરોડો પાડી મેનેજરની ધરપકડ કરી માલિકને વોન્ટેડ જાહેર કર્યો છે. આ કાર્યવાહીમાં બે કોલેજિયન યુવતી સહિત ૧૧ ગ્રાહકો ઝડપાયાં હતાં.પોલીસે આ સ્થળેથી ૧૭ હુક્કા, ૨૦ હુક્કાની પાઇપ અને ફ્લેવરયુક્ત તમાકુના ૧૭ બોક્સ મળી કુલ રૂ. ૬,૧૦૦નો મુદ્દામાલ કબજે કર્યો હતો. એ સાથે જ હુક્કાબારના મેનેજર બિકાસ સજન દિગરની ધરપકડ કરી હતી. જ્યારે માલિક પ્રદીપસિંહ મહિપતસિંહ જાડેજાને વોન્ટેડ જાહેર કર્યા હતા.રાહુલરાજ મોલના ત્રીજા માળે પી.લોંજ એન્ડ કાફેમાં હુક્કાબાર ધમધમતો હોવાની બાતમી એસઓજીના શૈલેષ કાંતિભાઈ અને જનકસિંહને બાતમી સાંપડી હતી. જેના આધારે પોસઈ એ.પી. બ્રહ્મભટ્ટ અને તેમની ટીમે ગુરુવારે સાંજે આ સ્થળે દરોડો પાડ્યો હતો. જેમાં બે કોલેજિયન યુવતી સહિત કુલ ૧૧ હુક્કાબારની મોજ માણતાં પકડાયાં હતાં. પકડાયેલાઓમાં કેટલાંક કાપડના વેપારી હોવાનું પણ જાણવા મળ્યું છે.
પાછલી પોસ્ટ