પ્રેમીપંખીડાંઓ માટે જાણીતા એવા ગાંધીનગરના સરિતા ગાર્ડનની બહાર પાર્કિંગમાં કાર પાર્ક કરીને અમદાવાદના યુવક અને યુવતી દારૂ પી જોરજોરથી કારમાં મ્યુઝિક વગાડતાં હતાં. આ અંગે ઇન્ફોસિટી પોલીસને મેસેજ મળતા પોલીસે બંનેને નશાની હાલતમાં ઝડપીને પ્રોહિબિશનનો ગુનો નોંધી આગળની કાર્યવાહી હાથ ધરી હતી.પોલીસ પાસેથી મળતી માહિતી મુજબ અમદાવાદના ગોતા વિસ્તારમાં રહેતી યુવક યુવતીઓ ઝડપાઈ ગયા હતા. પોતાની સિટી હોન્ડા કાર લઇને ગાંધીનગરના સરિતા ગાર્ડનમાં ફરવા માટે આવ્યાં હતાં. ગાર્ડનની બહાર જ કાર પાર્ક કરીને કારમાં દારૂની પાર્ટી શરૂ કરી હતી. કાર પાર્ક કરીને યુવક અને યુવતી દારૂની મોજ માણતાં હતાં ત્યારે પકડી પડાયા હતા.
ગાંધીનગર સરિતા ગાર્ડન બહાર યુવક અને યુવતી નશાની સ્થિતિમાં ઝડપાયા
