હવે વિધિવત્ત રીતે ચોમાસુ ગમે ત્યારે બેસી શકે છે તેવુ તમે સમજો કારણ કે, સમુદ્રી સીમામાં ચોમાસુ પ્રવેશ કરી ચૂક્યુ છે. ભારતના હવામાન વિજ્ઞાન વિભાગ(IMD)એ રવિવારે દક્ષિણ-પશ્ચિમ ચોમાસાનું કેરલપ્રવેમાં આગમન થયુ હોય તેવી આગાહી કરી ચછે. જેના કારણે અનેક રાજ્યોમાં ભારે વરસાદની આગાહી છે. IMD મુજબ, દક્ષિણ પશ્ચિમ મોનસૂન હવે લક્ષદ્વીપ અને દક્ષિણ અરબ સાગરના કેટલાક વિસ્તારો સાથે આગળ વધી રહ્યું છે. રવિવારે એલર્ટ આપતા IMDએ કહ્યુ કે, રાજસ્થાન, છત્તીસગઢ, ઓડિશ, અંડમાન અને નિકોબાર દ્વીપ સમૂહ, કેરલ, કોંકણ અને ગોવા, મધ્ય મહારાષ્ટ્ર, મરઠવાડા, તટીય આંધપ્રદેશ અને યનમ, તેલંગાણા, રાયલસીમા અને કર્ણટાકના અમુક વિસ્તારોમાં વીજળીના કડાકા અને ભારે પવન સાથે વરસાદની આગાહી કરવામાં આવી છે. IMDએ 6 જૂને કેરલમાં ભારે વરસાદની ભવિષ્યવાણી કરી હતી. જ્યારે કેરલના પઠાનમથિટ્ટા અને ઈડુક્કી જિલ્લામાં સોમવારે યલો અલર્ટ જાહેર કરવામાં આવ્યુ હતુ.
IMD દ્વારા કરવામાં આવેલી ચોમાસાની આગાહીના પગલે ગુજરાતમાં પણ વાતાવરણમાં પલ્ટો જોવા મળ્યો હતો. રવિવાર એટલે કે, 4 જૂનના રોજ અચાનક વાતાવરણમાં પલ્ટો જોવા મળ્યો હતો અને ગુજરાતમાં વહેલી સવારે અનેક જિલ્લામાં ભારે પવન સાથે ઝરમર વરસાદ વરસ્યો હતો. જ્યારે વહેલી સવારે ઠંડક ભર્યુ વાતાવરણ છવાયુ હતુ. છેલ્લા ઘણા સમયથી ગુજરાતમાં કમોસમી વરસાદના ઝપટા પડી રહ્યા છે. ત્યારે ગુજરાતમાં વિધિવત્ત ચોમાસુ ક્યારે બેસશે તેની રાહ હાલ ખેડૂતો કરી રહ્યા છે. જો કે, કેરલમાં ચોમાસુ પહોંચી ગયુ હોવાથી ખેડૂતોએ ચોમાસા પાકની તૈયારીઓ શરૂ કરી દીધી છે.
