ભારતીય ટીમના લેગ સ્પિનર યુઝવેન્દ્ર ચહલે એક મોટો ખુલાસો કર્યો છે. ચહલે તેની IPL કારકિર્દીની શરૂઆત મુંબઈ ઈન્ડિયન્સથી કરી હતી. ચહલે ખુલાસો કર્યો છે કે તે મુંબઈની ટીમ સાથે 2013ની સિઝનમાં બચી ગયો હતો. તેણે ટીમના જ એક ખેલાડી પર આરોપ લગાવ્યો છે, પરંતુ તે ખેલાડીનું નામ જાહેર કર્યું નથી. મુંબઈએ 2013માં રોહિત શર્માની કેપ્ટન્સીમાં પ્રથમ વખત લીગનો ખિતાબ જીત્યો હતો.
રાજસ્થાન રોયલ્સ ટીમના સાથી રવિચંદ્રન અશ્વિન અને કરુણ નાયર સાથે વાત કરતા ચહલે કહ્યું, “તે 2013 માં થયું હતું, ત્યારે હું મુંબઈ ઈન્ડિયન્સનો ભાગ હતો. અમારી મેચ બેંગ્લોરમાં જ હતી, ત્યાર બાદ ગેટ-ટુગેધર થયું. ત્યાં એક ખેલાડી હતો જે એકદમ નશામાં હતો. હું નામ નહીં લઉં. તેણે મને બોલાવ્યો. તે લાંબા સમય સુધી મારી સામે જોઈ રહ્યો. જ્યારે હું ત્યાં પહોંચ્યો ત્યારે મને બહાર લઈ જવામાં આવ્યો અને બાલ્કનીમાંથી નીચે લટકાવી દેવામાં આવ્યો. મારા હાથ તેના ગળામાં વીંટળાયેલા હતા.”
ચહલે કહ્યું કે “જો તેનો હાથ છૂટી ગયો હોત તો તે 15મા માળેથી પડી ગયો હોત. જ્યારે ત્યાં હાજર લોકોએ આ જોયું તો તેમણે વાત સંભાળી લીધી.” ચહલને બહાર કાઢવામાં આવ્યો અને તે બેહોશ થઈ ગયો. જો કે, ચહલે તે ખેલાડીનું નામ આપ્યું ન હતું કે તેની સાથે આવું કોણે કર્યું હતું.
2013ની સિઝનની શરૂઆતમાં રિકી પોન્ટિંગ મુંબઈનો કેપ્ટન હતો. પરંતુ ટીમના ખરાબ પ્રદર્શન બાદ રોહિત શર્માને કેપ્ટનશિપ મળી હતી. રોહિતની કેપ્ટન્સીમાં મુંબઈએ ચેન્નાઈને હરાવીને લીગ ટાઈટલ જીત્યું હતું. અમે તમને તે સિઝનની મુંબઈ ઈન્ડિયન્સ ટીમ વિશે જણાવવા જઈ રહ્યા છીએ. આમાંથી કોઈપણ ખેલાડીએ યુઝવેન્દ્ર ચહલ સાથે આવું કૃત્ય કર્યું હતું.
2013ની સિઝનમાં મુંબઈ ઈન્ડિયન્સની ટીમ
ભારતીય ખેલાડીઓઃ સચિન તેંડુલકર, અંબાતી રાયડુ, સૂર્યકુમાર યાદવ, રોહિત શર્મા, ઋષિ ધવન, અક્ષર પટેલ, જલજ સક્સેના, અમિતોજ સિંહ, સુશાંત મરાઠે, દિનેશ કાર્તિક, આદિત્ય તારે, જાવેદ ખાન, હરભજન સિંહ અબુ નેચિમ, જસપ્રિત બુમરાહ, મુનાફ પટેલ, યુઝવેન્દ્ર ચહલ, પ્રજ્ઞાન ઓઝા, પવન સુયલ, ધવલ કુલકર્ણી.
વિદેશી ખેલાડીઓ: એડન બ્લિઝાર્ડ, રિકી પોન્ટિંગ, ફિલિપ હ્યુજીસ, જેમ્સ ફ્રેન્કલિન, જેકબ ઓરમ, ગ્લેન મેક્સવેલ, ડ્વેન સ્મિથ, કિરોન પોલાર્ડ, નાથન કુલ્ટર-નાઈલ, મિશેલ જોન્સન, લસિથ મલિંગા.
યુઝવેન્દ્ર ચહલના MIના ખેલાડી પર આરોપ
