બનાસકાંઠા જિલ્લા એલસીબી પોલીસને વધુ એક સફળતા મળી છે. એલસીબી પી.આઈ. હાર્દિકસિંહ પરમારની સૂચના મુજબ પોલીસ સ્ટાફ પેટ્રોલિંગમાં હતા ત્યારે ખાનગી બાતમી મળેલ કે રાજેસ્થાનથી ડીસા રાધનપુર હાઇવે પર વિદેશી દારૂ ભરેલી ગાડી પસાર થવાની છે. બાતમી ના આધારે ભીલડીના મુડેઠા પાટિયા પાસે એલસીબી પોલીસના હેડ. કોન્સ્ટેબલ મિલનદાસ ,દિનેશભાઇ કોન્સ્ટેબલ, ઓખાભાઈ કોન્સેટેબલ, શંકરભાઇ કોન્સ્ટેબલ વગેરે સ્ટાફ નાકાબંધી કરી ઉભા હતા ત્યારે ડીસા તરફથી આવતી ગાડી માર્શલ નંબર જીજે-૧૮એસી-૦૧૬૬ગાડી ચાલકને રોકવાની કોશિશ કરતા ગાડી ચાલકે પોલીસ ને જોઈ ગાડી ભગાડી મૂકી હતી. એલસીબી પોલીસે ગાડીનો પીછો કરતા દિયોદર શિહોરી હાઇવે વિસ્તાર પર ગાડી રોકાવી અંદર તપાસ કરતા ગાડીમાંથી અલગ અલગ બ્રાન્ડની ૧૪૪૫ બોટલ કુલ કિંમત ૧,૮૪,૯૨૦ રૂપિયાના દારૂ સાથે (૧) ભરત સોગા રબારી રહે દાતવાડા રાજસ્થાન (૨) છગનજી કાનજી રબારી રહે નાગોલડી રાજેસ્થાનને ઝડપી પાડી જેલના સળિયા પાછળ ધકેલી દીધા છે.
(હેવાલ :- રઘુ નાઈ, દિયોદર)
દિયોદર હાઈવે પર દારૂ ભરેલી ગાડી ઝડપાઈ
