સાઉદી અરબમાં રહેતા ભારતીય પરિવારો પર સભ્ય દીઠ માસિક ૧૦૦ (રૂ. ૧,૭૦૦) રિયાલ ટેક્સ લાગુ કરવામાં આવનાર છે. આ કારણે અનેક લોકોએ તેમના પરિવારને સ્વદેશ પરત મોકલવાની વિચારણા શરૂ કરી છે. સાઉદી અરબમાં હાલમાં ૪૧ લાખ ભારતીયો રહેતા હોવાનો અંદાજ છે. અન્ય કોઈ પણ દેશ કરતાં સાઉદીમાં ભારતીયોની સંખ્યા સૌથી વધારે છે.સાઉદી અરબમાં પાંચ હજાર રિયાલ (રૂ. ૮૬,૦૦૦) કરતાં વધારે માસિક આવક ધરાવનારને જ ફેમિલી વીઝા આપવામાં આવે છે.
જો કોઈ ભારતીય પત્ની, અને બે સંતાન સાથે રહે છે તો તેણે પ્રત્યેક મહિને ૩૦૦ રિયાલ વેરા પેટે ચુકવવાના હોય છે. આ રીતે દર મહિને રૂ. ૫,૧૦૦નો ફટકો ભારતીયો માટે અસહ્ય ગણાય. આ વેરો ૨૦૨૦ સુધી અમલમાં રહેવાની શક્યતા છે.સાઉદી અરબમાં રહેતા ભારતીયોએ આ વેરો એડવાન્સ તરીકે ચુકવવાનો રહેશે. જો કોઈ ભારતીયની પત્ની એક વર્ષ માટે સાઉદીમાં રહેનાર હોય તો તેણે ૧,૨૦૦ રિયાલ અગાઉથી ચુકવી દેવા પડશે. રિકમા (રેજિમેન્ટ પરમિટ)નું રિન્યુઅલ કરાતા અગાઉ આ રકમ જમા કરવી પડશે.
સાઉદી અરબે લાદયો ભારતીયો પર માથા દીઠ માસિક વેરો
