ભાજપ પર છેલ્લા એક દશકથી કોંગ્રેસ અધ્યક્ષ રાહુલ ગાંધી વિરુદ્ધ દુષ્પ્રચારનો આરોપ લગાવતા ઇન્ડિયન ઓવરસીઝ કોંગ્રેસનાં પ્રમુખ સામ પિત્રોડાએ રવિવારે કહ્યું કે, તેઓ પપ્પુ નહી પરંતુ ખુબ જ ભણેલો ગણેલો અને સમજદાર નેતા છે. પિત્રોડાએ કહ્યું કે, ભાજપ રાહુલની વિરુદ્ધ ગત્ત ૧૦ વર્ષથી સતત કંઇકને કંઇક પ્રવૃત્તિ કરી રહ્યા છે, પરંતુ મને તેમના નેતૃત્વ પર સંપુર્ણ વિશ્વાસ છે. તેઓ પપ્પુ નથી. આ ખુબ જ ભણેલા ગણેલા લખેલા અને સમજદાર વ્યક્તિ છે. તેઓ એક યુવા નેતા છે અને ભારતને યુવા નેતાઓની જરૂર છે. અત્રે ઉલ્લેખનીય છે કે, ખાસ કરીને સોશિયલ મીડિયાને ટ્રોલ રાહુલ પર હુમલો કરવા માટે તેમને ઘણીવાર પપ્પુંનાં નામથી સંબોધિત કરે છે. સંચાર ટેક્નોલોજીનાં ૭૭ વર્ષીય નિષ્ણાંતોએ કહ્યું કે, મે રાહુલનાં દાદી (ઇંદિરા ગાંધી) અને તેના પિતા (રાજીવ ગાંધી) સાથે કામ કર્યું છે. મે રાહુલ સાથે પણ આ અંગે વિચાર-વિમર્શ કરતા ઘણો સારો સમય પસાર કર્યો છે કે અમે દેશને કઇ રીતે આગળ લઇ જઇ શકીએ છીએ. પિત્રોડાએ કહ્યું કે, ભારતને આધુનિક વિચાર ધરાવતા એવા નેતાઓની જરૂર છે જે જુમલાઓથી નહી પરંતુ નવી ટેક્નોલોજીથી લેસ હોય. તેમણે કેન્દ્રમાં સત્તારુઢ ભાજપ પર નિશાન સાધતા કહ્યું કે, સોશિયલ મીડિયા પર જુઠ્ઠાણા ફેલાવાઇ રહ્યા છે અને વિપક્ષી નેતાઓ પર ખાનગી હુમલા સામાન્ય થઇ ચુક્યા છે.
પપ્પુ નહી ખુબ જ ભણેલા ગણેલા અને સમજદાર નેતા છે રાહુલ ગાંધીઃ પિત્રોડા
