મયૂરી કાંગોને એક્ટિંગ છોડ્યે ઘણાં વર્ષો થઈ ગયા છે. પરંતુ એનો મતલબ એ નથી કે તેની કારકિર્દી ખત્મ થઈ ગઈ છે. તેણે હાલમાં જ દુનિયાની દિગ્ગજ ટેક કંપની ગૂગલમાં એક મુખ્ય પદ પર કાર્યભાર સંભાળ્યો છે. મયૂરી કાંગોને મોટાભાગના લોકો ‘ઘર સે નિકલતે હી, કૂછ દૂર ચલતે હી’ ગર્લ નામથી જાણે છે. તેને આ ગીતથી ખૂબ પ્રસિદ્ધી મળી હતી. મયૂરીએ હાલમાં જ ગૂગલ ઇન્ડિયાના ઇન્ડસ્ટ્રી હેડ – એજન્સી બિઝનેસનું પદ સંભાળ્યું છે.
મયૂરી જ્યારે ૧૨માં ધોરણમાં હતી ત્યારથી જ તેને ફિલ્મોમાં કામ મળી ગયું હતું. ૧૯૯૫માં આવેલી નસીબ તેની પ્રથમ ફિલ્મ હતી. જેમાં મહેશ ભટ્ટને તેનું કામ એટલું ગમી ગયું કે પોતાની ફિલ્મ ‘પાપા કહેતે હૈ’માં મયૂરીને એક્ટ્રેસ બનાવી દીધી હતી જે પછી તે ફિલ્મ ‘હોગી પ્યાર કી જીત’થી ઘણી જ લોકપ્રિય થઇ ગઇ.
ફ્લોપ ફિલ્મો પછી તેને ટીવી સીરીયલ્સ પણ કરી છે. જેમકે થોડા ગમ થોડી ખુશી, નરગિશ, ડોલર બહૂ, કિટ્ટી પાર્ટી વગેરે વગેરે. જોકે આ પછી મયૂરીએ આ કારકિર્દી જ છોડી દીધી.
આગળની પોસ્ટ