ઉત્તર પ્રદેશના બરેલી જિલ્લામાં એક વિચિત્ર મામલો સામે આવ્યો છે. અહીંના હરગોવિંદ નગર વિસ્તારમાં એક મહિલાએ ખાવાનું બનાવવામાં મોડું થતા પોતાની વહુની આંગળીઓ કાપી નાંખી હતી. ઘટના શનિવારની છે. આરોપી સાસુની ઓળખ ૬૫ વર્ષીય સુશીલા દેવી જ્યારે પીડિત વહુની ૩૨ વર્ષીય પ્રીતિ ભારતી તરીકે થઈ છે. આરોપી મહિલા ઘટનાને અંજામ આપ્યા બાદથી ફરાર છે.
મળતી માહિતી અનુસાર, ઈજ્જતનગર પોલીસ સ્ટેશનના જીર્ૐં ઉપેન્દ્ર સિંહે જણાવ્યુ હતુ કે, પીડિતા પ્રીતિ ભારતીએ ફરિયાદમાં લખાવ્યુ હતુ કે, તે શનિવારે પોતાના બાળકને દૂધ પીવડાવી રહી હતી, તે દરમિયાન સાસુ સુશીલાએ ખાવાનું બનાવવા માટે કહ્યું. પ્રીતિએ તેની સાસુને કહ્યુ હતુ કે તે બાળકને દૂધ પીવડાવ્યા બાદ ખાવાનું બનાવી દેશે. જેને કારણે સાસુ ગુસ્સે થઈ ગઈ અને તેણે પ્રીતિનીની ડાબા હાથની આંગળીઓ કાપી નાંખી હતી.
ઘટના અંગે જાણકારી મળતા જ પોલીસની ટીમ આરોપી સાસુની ધરપકડ માટે તેમના ઘરે ગઈ હતી, પરંતુ ત્યાં સુધીમા સુશીલા ત્યાંથી ફરાર થઈ ગઈ હતી. આથી, પોલીસે આરોપી સાસુને પકડવા માટેના ચક્રો ગતિમાન કર્યા છે. આ ઉપરાંત, પીડિતાને બાચકાં પણ ભરવામાં આવ્યા હતા.
