દુનિયાના સૌથી મોટા સર્ચ એન્જિન ગૂગલના ચીફ એક્ઝિક્યૂટીવ ઑફિસર સુંદર પિચાઈ અને તેમની ટીમ પર હવે તેમના પોતાના કર્મચારીઓનો ભરોસો ઘટી ગયો છે. પહેલાની સરખામણીએ આવુ માનનારા લોકોની સંખ્યા ઘટી ગઈ છે કે આ ટીમ ભવિષ્યમાં પ્રભાવશાળી નેતૃત્વ આપવામાં સક્ષમ છે. આ વાત એક તાજેતરના મીડિયા રીપોર્ટમાં સામે આવી છે.૨૦૧૮ના અંતમાં દર ૪માંથી ૩ કર્મચારીઓએ કહ્યું કે તેઓ પિચાઈના નેતૃત્વની ક્ષમતાને લઇને સકારાત્મક છે. એક વર્ષ પહેલા ૯૨ ટકા કર્મચારીઓએ સકારાત્મક જવાબ આપ્યો હતો. મીડિયા રીપોર્ટ મુજબ, આ તથ્ય ગૂગલના તાજા વાર્ષિક સર્વેમાં ઉજાગર થયો છે.સર્વેનું પરિણામ જાન્યુઆરીમાં આંતરિક રૂપથી જાહેર કરવામાં આવ્યું હતું. જે મુજબ ગૂગલના કર્મચારીઓનો ભરોસો ૬ વર્ષના સર્વોચ્ચ નીચલા સ્તર પર છે.એવુ તથ્ય પણ સામે આવ્યું છે કે મહેનતાણાને લઇને કર્મચારીઓની સંતુષ્ટિમાં પણ ઘટાડો આવ્યો છે. એક વર્ષ પહેલા ૬૪ ટકા કર્મચારી સંતુષ્ટ હતા તો આ વખતે ૫૪ ટકા લોકોએ સકારાત્મક જવાબ આપ્યો છે.ઉલ્લેખનીય છે કે નવેમ્બરમાં ગૂગલના કર્મચારીઓએ જાતિય સતમાણીને લઇને વિરોધ પ્રદર્શન કર્યુ હતું. મોટા અધિકારીઓ પર જાતિય સતામણીના આરોપો બાદ દુનિયાભરના ગૂગલના ૨૦ હજારથી વધુ કર્મચારીઓએ વિરોધ વ્યક્ત કર્યો હતો.
ગૂગલ પરથી ઉઠી રહ્યો છે લોકોનો ભરોસો
