સુપ્રીમ કોર્ટે એક એવી અરજીને ફરીથી ફગાવી છે જેમાં છોકરાઓની લગ્નની ઉંમર ૧૮ વર્ષ કરવાની માગ કરવામાં આવી હતી. કોર્ટે આ માગ સાથેની જનહિતની અરજીને ફક્ત નકારી જ નથી પરંતુ તેના પર કડક વલણ પણ અપનાવ્યું છે.આ અરજીમાં કહેવામાં આવ્યું કે દેશમાં મત આપવાનો અધિકાર ૧૮ વર્ષની ઉંમરે મળી જાય છે. સાથે જ સેનામાં ભરતી થવા માટે પણ ઓછામાં ઓછી ઉંમરની મર્યાદા ૧૮ વર્ષ જ છે. તેવામાં લગ્ન માટેની ઉંમર પણ ૨૧થી ઘટાડીને ૧૮ વર્ષ કરવી જોઇએ.આ અરજી એક વકીલ તરફથી દાખલ કરવામાં આવી હતી. સોમવારે જ્યારે આ અરજી પર કોર્ટે સુનાવણી હાથ ધરી તો તને શરૂઆતમાં જ ફગાવી દેવામાં આવી. કોર્ટે અરજીને નકારતાં સ્પષ્ટતા કરી કે જો ૧૮ વર્ષનો કોઇ છોકરો આ અરજી સાથે આવે તો અમે આ અંગે વિચાર કરીશું.કોર્ટે ફક્ત અરજી જ ફગાવી નથી પરંતુ આ અરજી કરનાર વકીલ પર નારાજગી પણ વ્યક્ત કરી છે. તેના માટે કોર્ટે અરજદારને દંડ પણ ફટકાર્યો છે. કોર્ટે અરજદારને ૨૫ હજારનો દંડ ફટકાર્યો છે