રાજય ચૂંટણી આયોગ દ્વારા રાજયની આઠ નગરપાલિકાઓ, જિલ્લા પંચાયત તેમજ ૩૨ તાલુકા પંચાયતોની પેટા ચૂંટણીઓ જુન-૧૭માં યોજવાની જાહેરાત કરવામાં આવી છે જેથી પેટા ચૂંટણી હેઠળના વિસ્તારમાં તા.૧૫મી મે,૨૦૧૭ થી આદર્શ ચૂંટણી આચારસંહિતા અમલમાં આવી છે. વડોદરા જિલ્લાના સાવલી તાલુકા પંચાયતની ૨૨-વાંકાનેર બેઠકની પેટા ચૂંટણી તા.૧૧-૦૬-૨૦૧૭ને રવિવારના રોજ સવારે ૮.૦૦ થી ૫.૦૦ કલાક દરમિયાન યોજાશે. જે અંગેનું જાહેરનામું તા.૨૨-૦૫-૨૦૧૭ના રોજ પ્રસિધ્ધ થશે. ઉમેદવારીપત્રો તા.૨૭-૦૫-૨૦૧૭ સુધી રજૂ કરી શકાશે. તા.૨૯-૦૫-૨૦૧૭ના રોજ ઉમેદાવારીપત્રોની ચકાસણી થશે. જયારે તા.૩૦-૦૫-૨૦૧૭ ના રોજ ઉમેદવારીપત્રો પરત ખેંચી શકાશે. તા.૧૩-૦૬-૨૦૧૭ના રોજ મતગણતરી યોજાશે. એમ જિલ્લા ચૂંટણી અધિકારી અને કલેકટરશ્રીની યાદીમાં જણાવાયું છે.
સાવલી તાલુકા પંચાયતની ૨૨-વાંકાનેર બેઠકની પેટા ચૂંટણી તા.૧૧ જુને યોજાશે
