સોશિયલ મીડિયા પર ફોલોઅર્સ મામલે ભલે અમેરિકી રાષ્ટ્રપતિ ડોનાલ્ડ ટ્રમ્પ ટ્વીટર પર વૈશ્વિક નેતાઓમાં સૌથી આગળ હોય પરંતુ ફેસબુક પર તે વડાપ્રધાન નરેન્દ્ર મોદી કરતા ઘણા પાછળ છે. કોમ્યુનિકેશન ફર્મ બર્સન માર્ટસ્ટેલરના એક અધ્યયનમાં આ વાત સામે આવી છે. બુધવારે પ્રકાશિત આ અધ્યયન અનુસાર, વર્તમાન સમયમાં નરેન્દ્ર મોદી ફેસબુક પર સૌથી વધારે ફોલો કરવામાં આવતા નેતા છે. મોદીને ૪૩.૨ મિલિયન લોકો ફોલો કરે છે. આ આંકડા ટ્રમ્પના ૨૩.૧ મિલિયન ફેસબુક ફોલોઅર્સની સંખ્યાની તુલનામાં લગભગ બે ગણી છે. સ્ટડીમાં ૬૫૦ લોકોને સામેલ કરવામાં આવ્યા હતા. જેમના ફેસબુક પેજની ૧ જાન્યુઆરી ૨૦૧૭થી ગણતરી કરવામાં આવી. ગત ૧૪ મહિનામાં ટ્રમ્પના પેજ પર ૨૦૪.૯ મિલિયન કમેન્ટ, લાઈક્સ અને શેર આવ્યા, ત્યાંજ વડાપ્રધાન મોદીના પેજ પર ૧૧૩.૬ મિલિયન કમેન્ટ, લાઈક્સ અને શેર આવ્યા છે. અભ્યાસમાં એ પણ જાણકારી આપવામાં આવી કે ટ્રમ્પ એક દિવસમાં ૫ વાર ફેસબુક પર પોસ્ટ કરે છે અને પીએમ મોદી ૨કે ૩ વાર પોસ્ટ કરે છે. ફોલોઅર્સના મામલે સ્ટડીમાં જણાવાયુ કે જોર્ડનના રાણી ત્રીજા નંબરે છે. તેના ૧૬ મિલિયન ફોલોઅર્સ છે. કમ્બોડિયાના વડાપ્રધાન હુન સેન આ કતારમાં પાંચમાં સ્થાને છે. લગભગ ૫૦ ટકાના અંતરની સાથે વર્તમાનમાં સમયમાં ફોલોઅર્સની સંખ્યા લગભગ ૯૬ લાખ છે. તેમના ફોલોઅર્સની કુલ સંખ્યા કમ્બોડિયાના કુલ ફેસબુક યુઝર્સથી પણ વધારે છે. કમ્બોડિયામાં ૭૧ લાખ ફેસબુક યુઝર્સ છે.
પાછલી પોસ્ટ
આગળની પોસ્ટ