ફિલ્મ રેસ થ્રીનું શૂટિંગ પૂર્ણતાની કગાર પર છે. ફિલ્મની શૂટિંગનું અંતિમ શિડયૂલ અબુધાબીમાં ચાલી રહ્યું છે. આ ફિલ્મ બાદ સલમાન ખાન પોતાના ભાઇ અરબાઝ ખાનની આગામી ફિલ્મ દબંગ થ્રીનું શૂટિંગ શરૂ કરવાનો છે. અરબાઝ ખાન જ આ ફિલ્મનો નિર્માતા અને દિગ્દર્શક હશે. ફિલ્મને નવમી ડિસેમ્બરે રિલીઝ કરવાની જાહેરાત અરબાઝે કરી છે. આ દિવસે જ શાહરૂખ ખાન અભિનીત ઝીરો પણ રિલીઝ થઇ રહી છે. શાહરુખ અને સલમાન એકબીજાના સારા મિત્રો બની ગયા બાદ આ બંને હવે પોતાની ફિલ્મોની રિલીઝ ડેટ આગળ પાછળ કરે એવી શકયતા છે. સલમાન ખાન પોતાના ચુલબુલ પાંડેના અંદાજ સાથે ફરી એકવાર આ જ વર્ષે સિલ્વર સ્ક્રીન પર દર્શકોને જોવા મળવાનો છે. ફિલ્મનું શૂટિંગ એપ્રિલના અંતે શરૂ થવાનું છે અને ઓકટોબર સુધીમાં આ ફિલ્મનું શૂટિંગ પૂર્ણ કરી સલમાન ખાન પોતાની આગામી ફિલ્મ ભારતના શૂટિંગમાં વ્યસ્ત બની જવાનો છે. આ ઉપરાંત સલમાન ખાન દસ કા દમની આગામી સિરીઝને પણ હોસ્ટ કરવા ટેલિવિઝન પર જોવા મળશે.
શાહરુખની ઝીરો સલમાન ખાનની દબંગ થ્રી સાથે ટકરાશે
