ભારતીય ક્રિકેટ ટીમના વિકેટકીપર દિનેશ કાર્તિકનો એક ખાસ ક્લબમાં સમાવેશ થઇ ગયો છે. બુધવારે નીદાહાસ ટ્રોફીના પાંચમાં મેચમાં બાંગ્લાદેશ વિરુદ્ધ વોશિંગ્ટન સુંદરના બોલ પર કાર્તિકે લીટનને સ્ટમ્પ આઉટ કર્યો હતો. આ સાથે કાર્તિક ટી-૨૦ ક્રિકેટમાં ૫૦ સ્ટમ્પિંગ કરવા વાળો દુનિયાના ચોથો અને ભારતના બીજો વિકેટકીપર બની ગયો છે.
ભારત તરફથી ટી-૨૦ ક્રિકેટમાં સૌથી વધારે સ્ટમ્પિંગસ મહેન્દ્ર સિંહ ધોનીના નામે છે. ધોનીએ ૨૭૭ મેચોમાં ૭૦ સ્ટમ્પ કર્યા છે. ધોનીએ વિકેટ પાછળ કુલ ૨૧૦ શિકાર કર્યા છે.પાકિસ્તાનના કામરાન અકમલના નામે ટી-૨૦ ક્રિકેટમાં સૌથી વધારે સ્ટમ્પ કરવાનો રેકોર્ડ છે. અકમલે ૨૧૭ ટી-૨૦ મેચોમાં ૯૨ સ્ટમ્પ આઉટ કર્યા છે. અકમલે ૧૧૮ કેચ સહીત કુલ ૨૧૦ શિકાર કર્યા છે.આમ તો આતરરાષ્ટ્રીય ક્રિકેટથી સંન્યાસ લઇ ચુકેલા શ્રીલંકાના દિગ્ગજ વિકેટકીપર બેટ્સમેન કુમાર સંગાકારાના નામે ટી-૨૦ ક્રિકેટમાં સૌથી વધારે શિકાર કરવાનો રેકોડ છે પરંતુ સ્ટમ્પિંગમાં તેઓ ત્રીજા સ્થાને છે. સંગાકારાએ ૨૬૨ મેચોમાં ૧૬૪ કેચ સાથે ૨૨૪ શિકાર કર્યા છે. તે સાથે તેઓએ ૬૦ વાર સ્ટમ્પિંગ પણ કર્યા છે.
વિકેટકીપર દિનેશ કાર્તિકનો ખાસ ક્લબમાં સમાવેશ
