બીસીસીઆઇએ આઇપીએલની ૧૧મી સીઝન માટે ડીઆરએસ (ડિસિઝન રિવ્યૂ સિસ્ટમ)ને લીલી ઝંડી આપી છે. આઇપીએલ પાકિસ્તાન સુપર લીગ (પીએસએલ) બાદ ડીઆરએસ લાગૂ કરનાર બીજી ટી-૨૦ લીગ હશે. બોર્ડના એક અધિકારીએ કહ્યું કે બીસીસીઆઇ ડીઆરએસને લઇને ખૂબ જ ઉત્સુક છે અને આ વર્ષે તેને આઇપીએલમાં પણ લાગૂ કરવાનો નિર્ણય લેવામાં આવ્યો છે.
ઉલ્લેખનીય છે કે આઇપીએલને ધ્યાનમાં લેતા બીસીસીઆઇએ ડિસેમ્બરમાં દેશના ટૉપ ૧૦ એમ્પાયરની એક વર્કશોપનું આયોજન કર્યુ હતુ. આ વર્કશોપનું આયોજન વિશાખાપટ્ટનમમાં કરવામાં આવ્યું હતું. એક અહેવાલ અનુસાર આઇસીસીના એમ્પાયરો વચ્ચે કોચ ડેનિસ બર્ન્સ અને ઓસ્ટ્રેલિયાના એમ્પાયર પૉલ રેફેલે ભારતીય એમ્પાયરોને નવી ટેકનીક જણાવી હતી. આ એમ્પાયર હવે આઇપીએલમાં એમ્પાયરિંગ કરશે.ઉલ્લેખનીય છે કે આ વખતે આઇપીએલ ૭ એપ્રિલથી ૨૭ મે સુધી ચાલશે. આઇપીએલની આ ૧૧મી સિઝનમાં ક્રિકેટ જગતના જાણીતા ખેલાડીઓ સામેલ થશે.
આગળની પોસ્ટ