સુરત આઇટી વિભાગ દ્વારા શહેરના ખ્યાતનામ હેપી હોમ ગ્રૂપના અલગ અલગ સ્થળોએ દરોડાની કાર્યવાહી હાથ ધરવામાં આવી હતી. સુરતના વેસુ વિસ્તારમાં આવેલ હેપી હોમ ગ્રૂપ અને લીંબાયત સ્થિત બેન્ચમાર્ક ટેક્સટાઇલ્સ હબ પર આઇટીએ સર્ચ ઓપરેશન હાથ ધર્યું હતુ.હેપી હોમ ગ્રુપના કુલ ૧૫ થી ૨૦ સ્થળોએ આ દરોડાની કાર્યવાહી હાથ ધરવામાં આવી હતી. સૂત્રોના જણાવ્યા અનુસાર મુકેશ હિમ્મત જે હેપી હોમ ગ્રૂપના મલિક છે તેમને ત્યાં સર્ચની કાર્યવાહી કરાઈ છે.
હેપી હોમ ગ્રૂપ કોમર્શિયલ બાંધકામોના વ્યવસાય સાથે સંકળાયેલું છે. આ ગ્રૂપ દ્વારા લીંબાયત સ્થિત દુભાલ ખાતે એશિયાનું સૌથી મોટું માનવામાં આવતું ટેક્સટાઇલ્સ માર્કેટ તૈયાર કરવામાં આવી રહ્યું છે. જે મોટું હબ ગણવામાં આવે છે. જ્યાં બેન્ચમાર્ક નામથી આ પ્રોજેકટ શરૂ કરવામાં આવ્યો છે. હાલ આ તમામ સ્થળોએ આઇટી દ્વારા સર્ચ ઓપરેશનની કામગીરી કરવામાં આવી રહી છે. જો કે આઇટીના સર્ચ ઓપરેશન દરમ્યાન નવા ખુલાસા બહાર આવે તેવી શકયતા હાલ સેવાઇ રહી છે.
પાછલી પોસ્ટ