અમદાવાદ શહેરના કાંકરિયા ખાતે નિશાચર પ્રાણીઓ માટે શરૂ કરવામાં આવેલા નોકટરનલ ઝૂમાં પાંચ દિવસમાં ૩૫ હજારથી વધુ મુલાકાતીઓએ મુલાકાત લીધી હોવાનું જાણવા મળ્યુ છે આ સાથે જ મ્યુનિસિપલ તંત્રને રૂપિયા ૧૮ લાખથી વધુની આવક થવા પામી છે.આ અંગેની વિગત એવી છે કે,અમદાવાદ શહેરના કાંકરિયા ખાતે ગત ૨૫ ડિસેમ્બર-૨૦૧૭ના રોજ રાજ્યના મુખ્યમંત્રી વિજય રૂપાણી દ્વારા રાત્રીના સમયે જોઈ શકતા એવા નિશાચાર પ્રાણીઓ માટે રૂપિયા ૧૪ કરોડના ખર્ચે તૈયાર કરવામા આવેલા નોકટરનલ ઝૂનો આરંભ કરાવવામાં આવ્યો હતો.આ નવા કાર્યરત કરવામાં આવેલા ઝૂના મુલાકાતીઓ અંગે ઝૂના સુપ્રિટેન્ડેન્ટ ડો.રાજેન્દ્રકુમાર શાહૂએ એક વાતચીતમાં કહ્યુ કે,૨૬ થી ૩૧ ડિસેમ્બર દરમિયાન આ ઝૂમાં ૩૫,૦૦૦થી પણ વધુ મુલાકાતીઓ દ્વારા મુલાકાત લેવામા આવી હતી જેને લઈને તંત્રને રૂપિયા ૧૮ લાખથી પણ વધુ રકમની આવક થવા પામી છે.દરમિયાન રવિવારે પુરા થયેલા કાંકરિયા કાર્નિવલમાં ૨૫ લાખથી વધુ મુલાકાતીઓ ઉમટી પડ્યા હતા.રવિવારે લેકફ્રન્ટના ૧થી ૭ નંબરના ગેટ બંધ કરવાની તંત્રને ફરજ પડી હતી.લેકફ્રન્ટ પરિસરમાં ૨૫,૦૦૦ મુલાકાતીઓએ મીનીટ્રેનની મુલાકાત લેતા રૂપિયા ૬ લાખની આવક થવા પામી હતી.તો કીડસસિટીની ૪,૦૦૦ મુલાકાતીઓએ મુલાકાત લેતા ૨.૮૫ લાખની આવક થઇ છે.
કાંકરિયા નોકટરનલ ઝૂ દ્વારા ૧૮ લાખથી વધારેની આવક
