ભાજપના પ્રદેશ પ્રવક્તા જગદીશ ભાવસારે એક યાદીમાં જણાવ્યું છે કે, ગુજરાત વિધાનસભા-૨૦૧૭ની ચૂંટણીના પ્રચાર પ્રસાર માટે પરંપરાગત પ્રચાર સામગ્રી સાથે સમયને અનુરુપ નવીનતમ અભિગમો સાથેનું પ્રચારકાર્ય ભાજપના પ્રદેશ એકમ તરફથી હાથ ધરવામાં આવ્યું છે. પત્રિકા, પોસ્ટર, સ્ટીક સાથે સાથે શેરી નાટક, ટેબ્લો સાથે પ્રચાર એલઇડી વાન દ્વારા પ્રચાર અને સમગ્ર દેશમાં પ્રથમવાર લાઈવ હ્યુમન બ્રાન્ડિંગ ડાન્સને ચૂંટણી પ્રચારમાં ઉતારવામાં આવ્યું છે. આજે ભાજપના મિડિયા સેન્ટર ખાતે ભાજપના વરિષ્ઠ નેતા સુરેન્દ્ર પેટલ અને પ્રચાર પ્રસાર ટીમના સંયોજક આઈકે જાડેજાએ લાઈવ હ્યુમન બ્રાન્ડિંગ ડાન્સ ટીમને વિદાય આપી હતી. ભાજપ મિડિયા સેન્ટર ખાતે લાઈવ હ્યુમન બ્રાન્ડિંગ ડાન્સ ટીમના યુવાનોએ પરફોર્મન્સ કર્યું હતું. આ ટીમના સભ્યો મહાનગરોમાં પ્રજાની વચ્ચે ગીત સંગીત સાથે જસે. ૧૯૯૫ પહેલા ગુજરાતની સ્થિતિ અને ભાજપના શાસનમાં ગુજરાતમાં સ્થપાયેલ શાંતિ, સલામતી અને વિકાસની રાજનીતિનો સંદેશ પહોંચાડશે.
પાછલી પોસ્ટ
આગળની પોસ્ટ