ભારતમાં જ્યાં એક તરફ યોગ અને ધર્મને લઇ વિવાદ સર્જાવા પામ્યો છે ત્યાં બીજી તરફ ઇસ્લામિક દેશ સાઉદી અરબમાં હવે યોગને સત્તાવારરીતે રમતની શ્રેણીમાં સ્થાન આપવામાં આવ્યું છે. સાઉદ અરબની ટ્રેડ એન્ડ ઇન્ડસ્ટ્રીઝ મિનિસ્ટ્રી દ્વારા સ્પોટ્ર્સ એક્ટિવિટીઝના ભાગરુપે યોગ શિખવવા માટે સત્તાવાર માન્યતા આપવામાં આવી છે. સાઉદી અરબમાં હવે લાઇસન્સ લઇને કોઇપણ વ્યક્તિ યોગ શિખવી શકશે. ખાસ વાત એ છે કે, નોફ મારવાઈ નામની એક મહિલાને સાઉદી અરબની પહેલી યુવા શિક્ષકાનો દરજ્જો મળી ગયો છે. યોગને રમતના એક ભાગરુપે સઉદીમાં માન્યતા અપાવવાનો શ્રેય પણ નોફને જ જાય છે. નોફે યોગને મત તરીકેની સત્તાવાર મંજુરી આપવામાં આવે તે માટે ખાસ અભિયાન ચલાવ્યું હતું. અરબ યોગા ફાન્ડેશનના સ્થાપક છે.
નોફનું માનવું છે કે, યોગ અને ધર્મની વચ્ચે કોઇપણ પ્રકારનો વિવાદ ન હોવો જોઇએ. અત્રે ઉલ્લેખનીય છે કે, ૨૭ સપ્ટેમ્બર ૨૦૧૪ના દિવસે સંયુક્ત રાષ્ટ્ર દ્વારા યોગને વૈશ્વિક દરજ્જો આપી દર વર્ષે ૨૧મી જૂનના દિવસે વિશ્વભરમાં યોગ દિવસ તરીકે મનાવવા જાહેરાત કરવામાં આવી હતી.