વડોદરાના સુસેન-તરસાલી રોડ પર આવેલા જ્વેલર્સના શો-રૂમમાં પાંચ જેટલા લૂંટારૂઓ ગ્રાહકના સ્વાંગમાં ત્રાટક્યા હતા. અને શો રૂમના મહિલા માલિકનું મોંઢુ દબાવી, બંધક બનાવી ૧.૩૫ મિનીટમાં રૂપિયા ૨૨ લાખના દાગીના લૂંટી ફરાર થઇ ગયા હતા. લૂંટનો આ બનાવ શો-રૂમના સીસીટીવીમાં કેદ થઇ ગયો છે. પોલીસે સીસીટીવી ફૂટેજના આધારે લૂંટારોને ઝડપી પાડવા કવાયત શરૂ કરી છે.પ્રાપ્ત માહિતી પ્રમાણે વડોદરા શહેરના સુસેન-તરસાલી રોડ પર પરમેશ્વર કોમ્પ્લેક્ષના એ-ટાવરી એસ. વિંગ્સમાં આર.કે. જ્વેલર્સ નામનો શો-રૂમ આવેલો છે. મકરપુરા પોલીસ સ્ટેશન પાસે આવેલા સિલ્વર કોઇન્સ કોમ્પ્લેક્ષમાં રહેતા રાજેશભાઇ સોની દુકાનના માલિક છે. શો-રૂમ રાજેશભાઇ અને તેમની પત્ની શિલ્પાબહેન ચલાવે છે. શો-રૂમમાં કોઇ કર્મચારી નથી. રાજેશભાઇ સોની આજે કામ માટે બહાર ગયા હતા. તેમની પત્ની શિલ્પાબહેન સોની એકલા જ દુકાનમાં હતા. પતિએ પત્નીને સૂચના આપી હતી કે, કોઇ અજાણી વ્યક્તિ ગ્રાહક તરીકે આવે તો તેઓને દાગીના બતાવવા નહીં કે વેચવા નહીં. તેમ છતાં લગભગ ૧-૩૦ વાગ્યાના સુમારે ગ્રાહકના સ્વાંગમાં બે યુવાનો દુકાનમાં પ્રવેશ્યા હતા. અને કાઉન્ટર પર બેઠેલા શિલ્પાબહેન સોનીને દાગીના બતાવવા માટે જણાવ્યું હતું.
વડોદરમાં મહિલાને બંધક બનાવી ૨૨ લાખના દાગીનાની લૂંટ
